مَړي ته خو درې ورځې پس لګ وګوره ۔۔۔!!

خوږو او محترمو اِسلامي وروڼو! مونږ به خامخا مړۀ کيږو، قبر ته به خامخا کوزيږو خو آه۔۔۔!! د قبر معامله اسانه نۀ ده۔ حضرت عمر بن عبد العزيز رَحْمَةُ اللهِ عَلَيْه يو ځل خپل يو ملګري ته وفرمائيل: وروره! د مرګ ياد زما نه خوب تختولے، زۀ ټوله شپه ويخ ناست ووم او د قبر والا پۀ باره کښې مې سوچ کولو۔ اے وروره! که تۀ درې ورځې پس مړے پۀ قبر کښې ووينې نو پۀ دُنيا کښې تر ډيرې مودې پورې د هغۀ سره د اوسيدو باوجود به تۀ د هغۀ نه ويريږې، که تۀ د هغۀ د کور يعنې د هغۀ د قبر دننه حصه ووينې پۀ کومه کښي چې چينجي ګرځي او بدن يـې خوري، د هغۀ د بدن نه وينې زغوې جاري دي، سخت بد بوئي ترينه راځي، د هغۀ کفن وروست شوے دے۔ هئ! هئ! غور خو وکړه! دغۀ مړے چې کله ژوندے وو نو ښکلے وو، ښه خوشبوئي به يـې استعمالوله، ښې جامې به يـې اغوستلې۔۔۔!! راوي وائي: د دومره وئيلو نه پس حضرت عمر بن عبد العزيز رَحْمَةُ اللهِ عَلَيْه  ژړغونے شو، هغوئي يوه چغه ووهله او بے هوشه شو۔ ^([1])     

اندھیری قبر کا دل سے نہیں نکلتا ڈر کروں گا کیا جو تو ناراض ہو گیا یا ربّ^([2])

د قبرونو دننه حالات

 خوږو او محترمو اِسلامي وروڼو! دا هديرې کومې چې مونږ ته خاموشه پۀ نظر راځي، شپه ورځ دلته يوه وحشت ناکه شان خاموشي خوره وي، دا دننه دومره خاموشه نۀ دي، پۀ دې قبرونو کښې دننه پوره جهان اباد دے، بعضې قبر دننه د جنَّت باغ دے، بعضې د دوزخ کنده ده، پۀ بعضې قبرونو کښې د جنَّتي ګلونه خوځيږي ، پۀ بعضو کښې د دوزخ د وور لمبه وي، بعضې خوش قِسمته پۀ قبر کښې پۀ جنَّتي ځانګوګانو کښي ځانګي، بعضې د وور پۀ زنځيرونو باندې تړلے شوي دي۔ آه! پۀ دې خاموشه ښار کښې دننه  يو شور او