د قبرونو دننه حالات

کر لے توبہ رب کی رحمت ہے بڑی قبر میں ورنہ سزا ہوگی کڑی^{(^[1])}

صَلُّو ْا عَلَي الْحَبيب! صَلَّي الله عَلٰي مُحَمَّد

امام نَسفِي رَحْمَةُ اللهِ عَلَيْه فرمائي: نيک مسلمان ته پۀ قبر کښې عذاب نۀ ورکولے کيږي خو قبر به هغۀ هم زور کوي، هغۀ به د دې تکليف او ويره هم محسوسوي۔ د دې وجه دا ده چې هغۀ د الله پاک پۀ نعمتونو کښې اوسيدو خو پوره طور يـې د هغې شُکر ادا نکړے شو۔^{(^[2])}

خوږو او محترمو اِسلامي وروڼو! معلومه شوه چې د قبر زور کول د ناشکرۍ نتيجه ده۔ دا رښتيا خبره ده چې مونږه د الله پاک د نعمتونو پۀ صحيح طريقه شُکر نشو ادا کولے۔ بيا هم مونږ له پکار دي چې پۀ ناسته پۀ ولاړه، پۀ ګرځيدو، بس د الله پاک شُکر ادا کوو۔

دلته يو عام دستور دے، خلق ډير د مايوسۍ ښکار کيږي، شُکر ډير کم ادا کوي۔ که وکتلے شي نو مونږه د سَر نه واخله تر د ښپو پورې پۀ نعمتونو کښې ډوب يو * تاسو خو به د هئير ټرانسپلانټ (Hair transplant) اشتهارونه ليدلي وي، خلق پۀ سر باندې د ويښتو لګولو د پاره پۀ زرګونو روپۍ لګوي، خپل سَر ته وګورئ! که په دې ويښته موجود دي نو دا پۀ دې باندې د زرګونو روپو اثاثه موجوده ده، آيا د شُکر مقام نۀ دےَ؟ * څومره داسې خلق دي کوم چې پۀ ښپو باندې معذوره دي، ګرځيدے نشي، زمونږه ښپې شته، آيا دا د شُکر مقام نۀ دے۔۔۔؟ بيا مونږه د الله پاک شُکر ولې نۀ ادا کوو۔۔۔؟ شُکر ادا کول پکار دي، هر وخت شُکر ادا کول پکار دي، هر ساعت شُکر ادا کول پکار دي۔

افضل ترين شُکر

خوږو او محترمو اِسلامي وروڼو! اَلْحَمْدُ لِلّٰہ وئيل د الله پاک شُکر دے او دا د ټولو نه افضل

[1]...وسائلِ بخشش، صفحہ:711-712 ملتقطاً۔

[2]...بحر الکلام، فصل فی اثبات عذاب القبر، صفحہ:219-220۔

Important

Mobile Apps

Contact Us