پۀ قبر کښې پۀ کار راتلونکي يو څو نور اعمال

خوږو او محترمو اِسلامي وروڼو! * داسې د قرآنِ پاک د تلاوت عادت جوړ کړئ! خاص طور روزانه د شپې سورۀ مُلک شريف لازمي لولئ! پۀ حديثِ پاک کښې دې مبارک سُورت ته د قبر د عذاب نه د بچ کوونکے  سُورت فرمائيلے شوے دے، 30 آيتونه دي، د پينځوو نه تر لسو منټو پورې وخت کښې پۀ اسانۍ سره لوستلے کيږي، څوک چې حافِظان دي، هغوئي خو يـې نور هم پۀ اسانۍ سره لوستلے شي، ځکه روزانه د شپې کم از کم يو ځل سُورۀ مُلک شريف لازمي لولئ! * پينځه واړه نـمونځونه د وخت د پابندۍ سره د جَمعې سره پۀ جومات کښې ادا کوئ * که زکوٰة فرض وي نو ادا کوئ * روژې نيسئ او * د خلقو سره ښه سلوک کول هم د قبر د عذاب نه د بچ کيدو اسباب دي۔ د حضرت ابو هريره رَضِىَ اللهُ عَـنْهُ نه روايت دے چې خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم فرمائيلي دي: پۀ هٰغه ذات مې دې قَسم وي! د کوم پۀ قبضه کښې چې زما ځان دے! کله چې مړے پۀ قبر کښې کيښودے شي نو هغۀ د واپس تلونکو خلقو د پيزار اواز اوري، که مؤمِن وي نو نـمونځ د هغۀ د سر طرف ته، زکوٰة ښي، روژه ګڅ او نورې ښيګړې، نيکۍ او د خلقو سره ښه سلوک د هغۀ د ښپو طرف ته راشي، د سر د طرف نه چې عذاب راځي نو نـمونځ وائي: دلته ستا د پاره هيڅ لاره نشته۔ د ښي اړخ نه چې راشي نو زکوٰة وائي: زما د طرف نه به هم تا ته لاره نۀ ميلاؤيږي۔ د ګڅ اړخ نه چې راشي نو روژه وائي: زۀ به د دې ځائے نه تا داخليدو ته نۀ پريږدم۔ بيا عذاب د ښپو اړخ ته راشي نو ښيګړې، نيکۍ او د خلقو سره ښه سلوک وائي: د دې ځائے نه هم تا ته څۀ لاره ميلاؤيدونکې نۀ ده۔ ^([1])

ہر عبادت سے بَرتر عبادت نَماز  ساری دولت سے بڑھ کر ہے دولت نَماز

نارِ دوزخ سے بے شک بچائے گی یہ        رَبّ سے دلوائے گی تم کو جنّت نَماز