هغوئي د قومِ لُوط پۀ شان ګنده کار [پخپله] کوونکي او [پۀ نورو باندې] کوونکي وو، هغوئي هم دوزخ ته د غورځيدو پورې پۀ دې عذاب کښې راګير دي او (پۀ شپږم ځائے کښې هٰغه) د وور نه ډکه پۀ زمکه کښې دننه قيد خانه دوزخ وو۔ ^([1])

 اَللہُ اَکْبَر! خوږو او محترمو اِسلامي وروڼو! اندازه ولګوئ چې دا د برزخ حالات دي، دا د هٰغه خلقو حالات دي کوم چې نن پۀ قبرونو کښې دي، آه! د بهر نه خاموشه پۀ نظر راتلونکو دې قبرونو ته وګورئ چې څومره وحشت ناک منظرونه پکښې پټ دي۔

یاخدا میری مغفرت فرما           باغِ فِردوس مَرحَمَت فرما

تُو گناہوں کو کر مُعاف اللہ!        میری مقبول معذِرت فرما

مصطَفٰے کا وسیلہ توبہ پر        تُو عنایت مُداوَمَت فرما^([2])

آقا کريم صَلَّى اللهُ عَلَيْهِ وَاٰلِهٖ وَسَلَّم ډير وژړل۔۔۔!!

خوږو او محترمو اِسلامي وروڼو! لا اوس مونږه ژوندي يو، نن زمونږ سره وخت شته، مونږه پۀ توبه کولو تير ګناهونه بخښلے شو، پۀ نيک کار کولو د قبر د روښانه کولو انتظام کولے شو، که چرې دا ساه ګانې ودريدلې، رُوح د وجود نه ووتو نو د پښيمانتيا نه علاوه به هيڅ هم لاسو ته رانشي۔

د اِبنِ ماجه شريف روايت دے، حضرت بَراء بن عازِب رَضِىَ اللهُ عَـنْهُ فرمائي: يوه ورځ مونږه د الله پاک د رسول، رسولِ مقبول صَلَّى اللهُ عَلَيْهِ وَاٰلِهٖ وَسَلَّم سره پۀ يوه جنازه کښې شريک وو۔ د دفن کولو پۀ وخت نبي کريم صَلَّى اللهُ عَلَيْهِ وَاٰلِهٖ وَسَلَّم د قبر پۀ غاړه باندې تشريف فرما شو او ډير يـې وژړل، رسول الله صَلَّى اللهُ عَلَيْهِ وَاٰلِهٖ وَسَلَّم دومره وژړل چې د قبر خاوره لمده شوه۔ بيا يـې وفرمائيل: لِمِثْلِ هٰذَا فَاَعِدُّوْا يعنې دې د پاره تياري وکړئ۔۔۔!! ^([3])