وړاندې لاړم نو يو کور مې وليدو د کوم ښکته حصه چې د بره والا نه ډيره تنګه وه، پۀ دې کښې هم بربنډ خلق وو  د کومو  لاندې چي وور لمبې وهلې او دومره بد بوئي ترينه راتلله چې ما د هغې نه د بچ کيدو د پاره خپله پوزه ونيوله او پوښتنه مې وکړه: دا څوک دي؟ فرښتو ووئيل: وړاندې تشريف يوسئ! * وړاندې چې لاړم نو وه مې کتل چې پۀ يو توره  غونډۍ باندې څۀ ليوني خلق دي او د هغوئي پۀ شاتنۍ شرمګاه کښې وور پوک وهلے شي کوم چې د هغوئي پۀ خُلو، د پوزې پۀ سورو، پۀ سترګو او پۀ غوږونو راوتلو، ما پوښتنه وکړه: دا څوک دي؟ ما ته ووئيلے شو: وړاندې لاړ شئ! * زۀ چې وړاندې لاړم نو ما د وور نه ډکه پۀ زمکه کښې دننه يوه قيد خانه وليدله پۀ کومې باندې چې فرښته مقرر وه، د دې وور نه چې به څوک هم وتلو نو فرښته به ورپسې کيدله تر دې پورې چې واپس به يـې پکښې غورځولو۔

پۀ اخر کښې د دې ټولو وحشت ناکو منظرونو پۀ باره کښې ووئيلے شو چې هٰغه (وړومبے) کَس د کوم سر چې چقولے کيدو چې دماغ به يـې يو اړخ ته او کاڼے به بَل اړخ ته غورځيدلو، دا هٰغه کَس دے کوم چې به د ماسخوتن  نـمونځ نۀ کولو او نور نـمونځونه به يـې هم پۀ وخت تيريدلو کول، دا به پۀ دوزخ کښې د غورځولو پورې هم داسې وهلے کيږي، او هٰغه (دويم کَس) د چا ژامې چې په اوسپنې  باندې شلولے کيدلې دا د هٰغه خلقو عذاب دے، کومو چې به د مسلمانانو پۀ مينځ کښې فساد خورولو او چغلي به يـې کوله، دوئي ته به هم دا عذاب مسلسل  ورکړے کيږي تر دې پورې چې دوزخ ته وغورځولے شي، او هٰغه (دريم کَس) کوم چې د نهر نه راوتلو په کوشش کښې په ګټو ويشتلے شو هغۀ سود خور دے، هغۀ ته به هم دوزخ ته د تللو پورې دا عذاب ورکړے کيږي، او هٰغه (څلورم منظر چرته چې تاسو بربنډ خلق وليدل هٰغه) بربنډ خلق بدکاران وو او کومه بد بوئي چې راتلله هغۀ د هغوئي د شرمګاهونو وه، هغوئي ته به هم دوزخ ته د تللو پورې دا عذاب ورکړے کيږي او (پۀ پينځم منظر کښې) چي کوم ليوني خلق  تاسو وليدل،