ڪرام رَضِیَ اللهُ عَنْہم چيو: ڪاش! هي پنهنجي جواني الله پاڪ جي راهه ۾ لڳائي ڇڏي ها. حضور اڪرم، نور مجسم صَلَّي اللہُ عَلَيْہِ وَآلِہٖ وَسَلَّم فرمايو: * جيڪڏهن هي پنهنجن ننڍڙن ٻارن لاءِ ڪمائي ڪرڻ نڪتو آهي فَہُوَ فِیْ سَبِیْلِ اللہِ ته اهو الله پاڪ جي راهه ۾ آهي * جيڪڏهن پيرسن والدين جي لاءِ روزي جي تلاش ۾ آهي فَہُوَ فِیْ سَبِیْلِ اللہِ تڏهن به هو الله پاڪ جي راهه ۾ آهي * جيڪڏهن پنهنجو پاڻ کي سوال کان بچائڻ جي لاءِ نڪتو آهي فَہُوَ فِیْ سَبِیْلِ اللہِ تڏهن به الله پاڪ جي راهه ۾ آهي.^([1])

معلوم ٿيو ته ضرورت جي مطابق محنت مزدوري ڪرڻ، رزق حلال ڪمائڻ لاءِ ڊُڪَ ڊوڙ ڪرڻ به عبادت آهي.

جنت ۽ جهنم جو مڪالمو

هڪ حديث پاڪ ۾ آهي: جهنم ۽ جنت جي وچ ۾ مباحثو ٿيو (يعني ٻنهي پاڻ ۾ ڳالهه ٻولهه ڪئي). جهنم چيو: مان اهو آهيان، جنهن ۾ ظالم ۽ تڪبر ڪرڻ وارا ماڻهو داخل ڪيا ويندا. جنت چيو: مان اها آهيان، جنهن ۾ ڪمزور ۽ غريب ماڻهو داخل ڪيا ويندا. ^([2])

تاج و تخت و حکومت مت دے                                                               کثرتِ مال و دولت مت دے

اپنی رِضا کا دے دے مُژدہ                                                                                         یااللہ! مِری جھولی بھر دے ^([3])

ذِلت واري جاءِ تي بيهڻ

حضرت ابراهيم بن ادهم رَحْمَةُ الـلّٰـهِ عَـلَيْه فرمائن ٿا: مون وٽِ اها ڳالهه پهتي آهي ته جيڪو شخص رزقِ حلال جي تلاش ۾ ذلت واري جاءِ تي بيهندو آهي، ان جي لاءِ جنت واجب ٿي ويندي آهي.^([4])