Book Name:Islam Mein Mazdoron Ke Huqooq
منصب * نۀ پۀ نوم او نسب باندې دے * نۀ پۀ مال او دولت باندې دے * نۀ پۀ ظاهري حيثيت (Status)...!! باندې دے۔ د الله پاک پۀ نزد د عزت معيار صرف او صرف پۀ تقویٰ باندې دے، څوک چې تقویٰ دار دے نو هغۀ عزت والا دے، څوک چې تقویٰ دار نۀ دے، هغۀ که پۀ ظاهره هر څومره د اوچتې مرتبې والا وي، د الله پاک پۀ نزد د عزت والا نۀ دے۔
سُبْحٰنَ اللہ! دا دے د اِسلام حُسن۔۔۔!!
د اَرَسطُو عجيبه او ناشنا نظريه
تاسو به پۀ دې خبره اوريدو ډير حيران شئ چې اَرسطُو چا ته چې انګريزان اَرَسټوټَل (Aristotle) وائي، دا د يُوناني فلسفې باني دے، يعنې اوسنے چې کوم سائنس دے، دا اَرسطُو شروع کړے وو، بعضې خلق پۀ اِسلام باندې دا الزام لګوي چې اِسلام خپل تعليمات د يوناني فلسفې نه پټ کړي دي (مَعَاذَ الله۔۔۔!)۔ لږه د اَرَسُطو دا عجيبه نظريه واورئ! ارسطو د غُلام او د مزدور تعريف کړے دے او ليکلي يـې دي: دا يوه آله ده پۀ کومه کښې چې ساه ده۔ ([1])
يعنې غلامان، مزدوران، خواري کښ خلق د اَرَسطُو پۀ نزد صرف مشينان دي، مَعَاذَ الله! دا د انسان وئيلو حقدار هم نۀ دي۔ لَاحَوْلَ وَلَا قُوَّۃَ اِلَّا بِاللہ!
قُربان شم! اِسلام چې کله د غلامانو، د مزدورانو حقونه بيانوي نو د ټولو وړومبے خبره هم دا کوي چې غُلام وي او که آقا، سيټھ وي او که نوکر، مزدور وي او که مالداره، د انسان پۀ حيث دواړه برابر دي۔ اَلْحَمْدُ لِلّٰہ! دا د اِسلام حُسن دے۔
خو افسوس چې نن زمونږه پۀ معاشره کښې هم دا د غير مسلمو رويه مخ پۀ وړاندې روانه ده، خلق مزدوران، خواري کښ، غريبانان کم ګڼي، دوئي ته سپک نظر کوي۔