اجارې احکام ولولئ! چې پۀ څۀ باندې پوهه نشئ نو د هغې پۀ باره کښې د عاشقانِ رسول علمائے کرامو نه پوښتنه وکړئ! دويمه طريقه دا ده چې فرض علوم کورس اوکړئ! اَلْحَمْدُ لِلّٰہ! د دعوت اسلامي  د لاندي مختلف شارټ کورسز(Short courses)کولے شي په هغي کښي يو فرض علوم کورس هم دے په دي کورس کښي شرکت اوکړئ! اِنْ شَآءَ اللہُ الْکَرِیْم! ډير فرض علوم زده کول به مو نصيب شي

دويمه شرعي مسئله: (2): پۀ کار کښې سستي کول او اُجرت پوره اخستل ګناه او حرام کار دے۔

* اعلیٰ حضرت، امامِ اهلِسُنَّت امام احمد رضا خان رَحْمَةُ اللهِ عَلَيْه فرمائي: د کار درې حالتونه دي: (1): سست (2): مُعْتَدِل ( یعنې درمِیانه او ) (3): ډير تیز۔ که مزدورۍ کښې (کم از کم مُعتَدِل هم نۀ وي صرف) پۀ سستۍ سره کار کوي نو ګنهګار دے او پۀ دې باندې پوره مزدوري اخستل حرام کار دے۔ د هٰغه همره کار (يعنې چې څومره يـې کړے دے) د هغې مطابق چې څومره اُجرت دے هغه دې واخلي، د هغې نه چې څۀ زيات ميلاؤ شو مُستَاجِر (يعنې د چا سره چې يـې د نوکرۍ لوظنامه کړې ده هغۀ ته دې) واپس کړي۔ ^([1])

 که چرته پۀ کار کښې سست شي نو غور دې وکړي چې پۀ مُعتَدِل يعنې پۀ درميانه انداز کښې څومره کار کيدے شي مثلاً کمپيوټر آپريټر (Computer Operator) دے او روزانه ورته 100 روپۍ اُجرت ميلاؤيږي، پۀ درميانه انداز کښې پۀ کار کولو کښې روزانه 100 کرښې کمپوز کوي خو نن يـې صرف د سستۍ يا د غير ضروري خبرو پۀ وجه 90 کرښې تيارې کړې نو د دې 10 کرښو د کمي دې 10 روپۍ کټ کړي چې دا 10 روپۍ اخستل حرامې دي، که کټ يـې نۀ کړې نو ګنهګار او د دوزخ د وور حقدار دے۔ ^([2])