اُجرت پۀ وخت باندې ورکړئ۔۔۔!!

دويم حديثِ پاک واورئ! رسولِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم فرمائيلي دي: د مزدور د خولې وچيدو نه مخکښې د هغۀ مزدوري ادا کړئ۔۔۔!!  ^([1])

دا ډير ضروري څيز دے، د چا مال پۀ نا جائزه نيول  سخت جرم، حرام او دوزخ ته بوتلونکے کار دے۔ مالِکِ جنَّت، قاسِمِ نعمت صَلَّى اللهُ عَلَيْهِ وَاٰلِهٖ وَسَلَّم فرمائيلي دي: الله پاک ارشاد فرمائي: زۀ به د قيامت پۀ ورځ د دريو کسانو  مقابل  يم (يعنې سخته سزا به ورکووم) (1): يو هٰغه کَس کوم چې زما پۀ نوم باندې وعده وکړي، بيا وعده ماته کړي (2): هٰغه کَس کوم چې يو ازاد انسان خرڅ کړي او بيا د هغۀ قيمت وخوري (3): هٰغه چا چې يو مزدور پۀ اُجرت باندې ونيولو او بيا يـې پۀ هغۀ باندې کار پوره کړو خو د هغۀ اُجرت يـې هغۀ له ورنکړو۔ ^([2])

 اَللہُ اَکْبَر۔۔۔!! اندازه ولګوئ چې د قيامت پۀ ورځ به رَحم څوک کوي؟ الله پاک۔ بخښل به څوک کوي؟ الله پاک۔ جنَّت به څوک عطا کوي؟ الله پاک۔ که الله پاک د چا مقابل شي ، غور وکړئ! هٰغه کَس به څنګه بخښلے کيږي۔۔۔؟ ځکه پۀ وخت د مزدور د اُجرت د ادا کولو عادت جوړول پکار دي۔

د الله پاک د عدل مثال

د الله پاک نبي دے: حضرت موسیٰ عَلَیْهِ السَّلَام ۔ يو ځل هغوئي د الله پاک پۀ بارګاه کښې عرض وکړو: اے کريم مالکه! زۀ ستا عدل او انصاف ليدل غواړم۔ اوئې فرمائيل: اے موسیٰ! تاسو به يـې اونه ليدلے شئ۔ عرض يـې وکړو: مولیٰ! تۀ پۀ ښودلو باندې قُدرت لرې۔ اوئې فرمائيل: ځۀ! بيا فلانکي ځائے د درياب غاړې ته لاړ شئ! او هلته پټ