وفرمائيل: ستا پيشه د حضرت آدم عَلَیْهِ السَّلَام  والا ده، د ټولو نه مخکښې چې چا کپړې جوړې کړې هغۀ حضرت آدم عَلَیْهِ السَّلَام  دے، بے شکه ستا پيشه هٰغه ده، د کومې ضرورت چې د ژوندو سره سره مړو ته هم وي (چې هغوئي ته کفن اغوستلے کيږي)۔ څوک چې تا له (ستا د پيشې پۀ وجه پيغور درکوي او) تکليف در رسوي، هغۀ لکه چې حضرت آدم   عَلَیْهِ السَّلَام  له پيغور ورکوي، مۀ ويريږۀ! ستا د پاره زيرے دے چې ستا پيشه مبارکه ده، د قيامت پۀ ورځ به حضرت آدم عَلَیْهِ السَّلَام  ستاسو قائِد وي۔ ^([1])

الله پاک دې مونږ ته ښه سوچ راعطا کړي، کوم خوش قِسمته چې د ځان او د خپل بال بچ د رزق ګټلو د پاره حلاله پيشه اختيار کړي، هغۀ ښه انسان دے، نيک کار کوي، مونږ له پکار دي چې هغۀ له ډاډګيرنه ورکړو، که کولے شو نو د هغۀ سره مدد وکړو، اِنْ شَآءَ اللہُ الْکَرِیم! د دې پۀ برکت به معاشره ښه شي او بے روزګاري به ختمه شي۔

جبري مشقت  يو سخت جرم دے

خوږو او محترمو اِسلامي وروڼو! د مزدورانو، د ملازمانو او د اجيرانو چې کوم حقونه اِسلام بيان کړي دي، پۀ هغې کښې يو دا دے چې مزدور له د هغۀ مزدوري پۀ وخت او پوره پوره ورکړے شي۔

لکه څنګه چې ما مخکښې عرض وکړو: دا وخت پۀ ټوله دُنيا کښې د جبري مشقت  پيښې ډيرې زياتې دي، د يوې عالمي ادارې (International Organizations) د رپورټ مطابق پۀ ټوله دُنيا کښې پۀ لکونو خلقد جبري مشقت  ښکار دي (يعنې کوم چې زورور دي، هغوئي د خلقو نه پۀ زوره کار اخلي او اُجرت پوره نۀ ورکوي)، پۀ دې غير قانوني عمل کښې ککړ خلق د کال 236 اربه ډالره ګټه حاصلوي۔

يعنې دا 236 اربه ډالره د کال هٰغه دي کوم چې د خوارانو مزدورانو حق دے خو هغوئي