Naik Amal Ke Dunyawi Faiday

کان نے سُنا، نہ کسی دِل میں اُن کا گمان گزرا، اللہ پاک فرماتا ہے:

وَ لَاَجْرُ الْاٰخِرَةِ اَكْبَرُۘ- (پارہ:14،سورۂ نحل:41)

ترجَمہ کنز الایمان:اور بے شک آخرت کا ثواب بہت بڑا ہے۔

اس کے ساتھ ساتھ دُنیا میں بھی نیک اَعْمَال کے اچھے نتائج دیکھنے کو ملتے ہیں،قرآن و حدیث میں نیک اَعْمَال کے بہت سارے دُنیوی فوائد بھی بیان ہوئے ہیں؛

نیک اَعْمَال کا دُنیوی فائدہ: پُرسکون، اچھی زندگی

پارہ:14، سورۂ نحل، آیت: 30 میں ارشاد ہوتا ہے:

لِلَّذِیْنَ اَحْسَنُوْا فِیْ هٰذِهِ الدُّنْیَا حَسَنَةٌؕ-وَ لَدَارُ الْاٰخِرَةِ خَیْرٌؕ- (پارہ:14،سورۂ نحل:30)

تَرجَمہ کَنْزُ الْعِرْفان:جنہوں نے اس دنیا میں بھلائی کی، ان کے لیے بھلائی ہے اور بےشک آخرت کاگھر سب سے بہتر ہے۔

تفسیر صراط ُالجنان میں ہے: (اس آیت کا ایک معنیٰ یہ ہے کہ) جو لوگ ایمان لائے اور اچھے عَمَل کئے، انہیں دُنیا میں بھی اس کا اچھا اجر ملے گا۔^{(^[1])}ایک اور آیت میں ہے:

مَنْ عَمِلَ صَالِحًا مِّنْ ذَكَرٍ اَوْ اُنْثٰى وَ هُوَ مُؤْمِنٌ فَلَنُحْیِیَنَّهٗ حَیٰوةً طَیِّبَةًۚ- (پارہ:14،سورۂ نحل:97)

تَرجَمہ کَنْزُ الْعِرْفان:جو مرد یا عورت نیک عمل کرے اور وہ مسلمان ہو تو ہم ضرور اسے پاکیزہ زندگی دیں گے۔

معلوم ہوا؛نیک اَعْمَال کی برکت سے بندۂ مؤمن کو دُنیا میں رِزْقِ حلال، نیک، پاکیزہ، پُرسکون، سُکھ چین اور راحت و آرام والی پاکیزہ زِندگی عطا کی جاتی ہے۔

[1]...تفسیر صراط الجنان،پارہ:14، سورۂ نحل،زیرِ آیت:30،جلد:5،صفحہ:306۔

Important

Mobile Apps

Contact Us