Book Name:Zameen Mein Fasad Mat Phailaiy
خير! مونږ له حقيقت خوښوونکي جوړيدل پکار دي، هٰغه کارونه کول پکار دي کوم چې واقعي د نيکۍ کارونه دي، د جهالت پۀ وجه خلق د ګناه کارونه نيکي ګڼي۔ ځکه مونږ له عِلمِ دِين زده کول پکار دي، د عاشقانِ رسول علمائے کرامو نه پوښتنه کول او پۀ هغې باندې عمل کول پکار دي۔ الله پاک دې مونږ ته د عمل کولو توفيق راعطا کړي۔
اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم
خوږو او محترمو اِسلامي وروڼو! الله کريم فرمائي:
وَ اِذَا قِیْلَ لَہُمْ لَا تُفْسِدُوْا فِی الْاَرْضِ ۙ
(پارہ:1 ، سورۀ بقرہ:11)
ترجمهٴ کنزُ العِرفان: او کله چې هغوئي ته ووئيلے شي چې پۀ زمکه كښې فساد مۀ کوئ۔
يعنې منافقانو ته وئيلے کيږي چې تاسو پۀ زمکه کښې فساد مۀ کوئ! اوس دلته يو بنيادي شان پوښتنه پۀ ذِهن کښې راځي چې اخر منافقانو به داسې کوم کارونه کول، د کومو نه چې هغوئي منع کړے شو او ووئيلے شو چې دا کار د فساد دے، ځکه تاسو دا مۀ کوئ!
پۀ دې باره کښې مفسرينِ کرامو د منافقانو يو څو کارونه پۀ ګوته کړي دي۔
(1): د غیر مسلمو سره دوستي کول
د منافقانو يو خراب کار دا وو چې دې خلقو به د مسلمانانو سره هم د دوستۍ اظهار کولو او ورسره ورسره به يـې د غير مسلمو سره هم محبت کولو، د هغوئي سره به يـې هم تعلق ساتلو۔ ([1]) لکه چې د هغوئي کردار داسې وو چې
باغباں بھی خوش رہے، راضِی رہے صَیَّاد بھی