ګناه د نيکۍ ګڼلو دوه مثالونه

د افسوس خبره ده چې زمونږه پۀ معاشره کښې داسې کيږي، د دِيني معلوماتو ډير کمے دے، څومره داسې کارونه دي کوم چې پۀ اصل کښې ګناهونه دي يا فضول دي خو خلق هٰغه کارونه نيکي ګڼي او کوي يـې: مثلاً * پۀ کورونو کښې زنانه د 10 بيبيانو قيصه بيانوي، دې د پاره باقاعده منښتې کيږي، زنانه راجمع کوي، د شيرينۍ انتظام کيږي، بيا نيکي ګڼلے کيږي او هٰغه د 10 بيبيانو قيصه لوستلے شي۔ پۀ اصل کښې دا د 10 بيبيانو قيصه څۀ ده؟ ښکاره دروغ دي، د ځان نه جوړې کړے شوې خبرې دي، پۀ دې کښې د نيکۍ والا هيڅ خبره نشته، نۀ د دې څۀ شرعي حيثيت شته، بس وخت پرې ضائع کيږي * هم داسې دلته د صدقې يوه عجبيه مفهوم دے، پۀ قرآن او حديث کښې د صدقې ډير فضائل راغلي دي، دلته خلق څۀ کوي؟ چې صدقه کوي نو د بازار نه درې څلور کلو غوښه واخلي، د چا صدقه چې ورکول دي د هغۀ د سر نه يـې تاؤ کړي او هم داسې وومه غوښه پۀ هديره کښې وغورځوي۔ دا صدقه شوه، د الله پاک پناه۔۔۔!!

بيا چې يـې چرته غوښه غورځولې ده که هلته غوښه خوړونکے ځناور وي نو بيا خو خير دے ګنې نو ضائع به شي او د خوراک څښاک څيزونه ضائع کول د ګناه کار دے۔ الله پاک فرمائي:

اِنَّ الْمُبَذِّرِیْنَ کَانُوْۤا اِخْوَانَ الشَّیٰطِیْنِ ؕ

(پارہ:15 ، سورۀ بنی اسرائیل:27)

ترجمهٴ کنزُ العِرفان: بے شکه فضول خرچي کوونکي د شيطانانو وروڼـه دي۔

 خير! خلق دا کارونه ولې کوي؟ نيکي يـې ګڼي۔ پۀ حقيقت کښې څۀ دي؟ د ګناه کارونه دي۔ پۀ اصل کښې صدقه دا ده چې رقم يا بَل څۀ څيز، فرض کړئ که هم د غوښې صدقه کول وي نو هٰغه غوښه دې چا غريب له ورکړے شي، پۀ مدرسه کښې دې پۀ طالبِ علمانو وخوړلے شي۔ داسې پۀ جومات کښې چنده ورکول، پۀ مدرسه کښې چنده ورکول، د دعوتِ اِسلامي پۀ دِيني کارونو کښې حصه شاملول وغيره، دا صدقه ده۔