Share this link via
پۀ زمکه کښې فساد مۀ کوئ!
ګناه که پټه وي او که پۀ ښکاره وي، ګناه اخر هم ګناه ده، البته پۀ ښکاره ګناه کولو کښې يو سپيرۀ والے دا دے چې پۀ دې سره نورو خلقو ته د ګناه کولو ترغيب ميلاؤيږي، داسې نور خلق هم دې ته ګوري او پۀ ګناه کښې اخته کيږي او معاشره پرې تباه او برباديږي۔ ځکه پۀ مونږ ټولو باندې لازم دي چې مونږه پۀ پټه هم هيڅکله هم ګناه نۀ کوو چې د چا نافرماني پۀ پټه باندې کوو، هٰغه رَبِّ کريم خو مو ويني۔ د دې سره سره د ښکاره ګناه نه هم خاص طور ځان بچ ساتو چې ښکاره ګناه صرف ګناه نۀ ده بلکې پۀ زمکه کښې فساد هم دے۔
نافرماني د افتونو او د بلاګانو سبب دے
الله پاک پۀ قرآنِ کريم کښې اِرشاد فرمائي:
ظَہَرَ الْفَسَادُ فِی الْبَرِّ وَ الْبَحْرِ بِمَا کَسَبَتْ اَیْدِی النَّاسِ لِیُذِیْقَہُمْ بَعْضَ الَّذِیْ عَمِلُوْا لَعَلَّہُمْ یَرْجِعُوْنَ (۴۱)
(پارہ:21، سورۀ رُوْم:41)
ترجمهٴ کنزُ العِرفان: پۀ وچه او لـمده کښې فساد ښکاره شو د هٰغه بدو [کارونو] پۀ وجه کوم چې د خلقو لاسونو وکړل چې الله هغوئي ته د هغوئي د بعضو کارونو خوند ور اوڅَکي د پاره د دې چې هغوئي را وګرځي۔
اَللہُ اَکْبَر! معلومه شوه چې د الله پاک د نافرمانۍ او د ګناهونو پۀ وجه پۀ زمکه کښې فساد خوريږي، قحط راځي، بارانونه نۀ کيږي، فصلونه تباه او برباديږي، وباګانې خوريږي او پته نۀ لګي چې څنګه څنګه فسادونه پۀ زمکه کښې ظاهريږي۔
حضرت مُجَاهِد رَحْمَةُ الـلّٰـهِ عَـلَيْه فرمائي: چې کله ډير قحط راشي، بارانونه نۀ کيږي نو ځناور پۀ نافرمانه خلقو باندې لعنت وائي او وائي: دا سوکړه د انسان د ګناهونو پۀ وجه ده۔ ([1])
اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! غور وکړئ چې د دې نه به زيات ذِلت نور
BOOK TOPIC
- د دُرُودِ پاک فضيلت
- د آيت مبارک نه ميلاؤيدونکي سبقونه
- (1):ښه کار ښه او بد کار بد ګڼل پکار دي!
- د ټولو نه زيات پۀ نقصان کښې څوک۔۔۔؟
- ګناه د نيکۍ ګڼلو دوه مثالونه
- فَسَاد فِی الاَرض څۀ دے؟
- (1): د غیر مسلمو سره دوستي کول
- محبت او نفرت دواړه ضروري دي
- د بني اسرائيلو يو خراب صفت
- فسادونه څنګه شروع شول۔۔۔؟
- د ګناه نه د بيزارۍ اظهار کوئ!
- (2): چغلي کول...!!
- خبره تر قتل پورې ورسيدله
- د چغلۍ پۀ باره کښې درې حديثونه مبارک
- (3): ښکاره ګناهونو کول
- نافرماني د افتونو او د بلاګانو سبب دے
- ځناور پرې لعنت وائي۔۔۔!!
- د بيان خُلاصه
- نيک اعمال (Naik Amal) موبائل ايپلي کيشن
- صحيح څۀ دي؟
- د اَسمَاءُ الـحُسنیٰ برکتونه (وظيفه)
