پکار دي چې  د بدو نه نفرت کوو۔

د ګناه نه د بيزارۍ اظهار کوئ!

زمونږه خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم فرمائيلي دي: مَنْ رَاٰی مُنْکَراً فَلْیُغَیِّرْہٗ بِیَدِہٖ څوک چې ګناه وويني نو هغه دې پۀ خپل لاس باندې بدله کړي، که پۀ لاس يـې نشي بدلولے فَبِلِسَانِہٖ نو پۀ خپله ژبه باندې يـې دې بدله کړي او که پۀ ژبه باندې يـې هم نشي بدلولے فَبِقَلْبِہٖ نو هٰغه بدي دي پۀ خپل زړۀ کښې بده وګنې او فرمائي: دا د ايمان د ټولو نه کمزورې درجه ده۔ ^([1])

وګورئ چې څومره واضحه ارشاد دے، کوم يو مسلمان چې کله هم څۀ بدي وويني، که هغه د عقيدې بدي وي، که د عمل بدي وي، که د کردار بدي وي او که د خبرو بدي وي، پۀ مونږ کښې د هر يو ذمه واري ده چې هٰغه بدي منع کړو، که دا نشو کولے نو کم از کم د هٰغه بدۍ نه به نفرت خو لازمي کول وي۔

(2): چغلي کول...!!

د منافقانو دويم خراب عمل کوم ته چې فَسَاد فِی الاَرض (يعنې پۀ زمکه کښې فساد) ووئيلے شو، هغه دا دے چې منافقانو به چغلي کوله۔ ^([2]) د صحابۀ کرامو عَليهمُ الرّضوَان سره به اوسيدل، د هغوئي نه به يـې چې کومې خبرې اوريدلې، هغه به يـې د فساد جوړولو د پاره غير مسلمو ته رسولې۔

د دې نه معلومه شوه چې د چغلۍ پۀ وجه پۀ زمکه کښې فساد جوړيږي او دا حقيقت دے چې د چغلۍ پۀ وجه وروڼه د وروڼو نه جُدا کيږي، پۀ مور پلار او اولاد کښې نفرت خوريږي، دوست د دوست سره جګړه کوي۔ د چغلۍ داسې نقصانونه دي چې بس! د الله پاک پناه۔۔۔!!