او فساد هم خور شو۔ چې کله حضرت آدم عَلَیْهِ السَّلَام د قابيل او د هغۀ د اولاد داسې خراب حالت وليدلو نو هغوئي حضرت شِيث عَلَیْهِ السَّلَام ته وَصِيِّت وکړو چې د قابيل او د هغۀ د اولاد نه دې مکمل بائيکاټ وکړے شي، د هغوئي سره دې نکاح وغيره رشته دارۍ هم نۀ کيږي۔ حضرت شِيث عَلَیْهِ السَّلَام پۀ دې نصيحت باندې پوره پوره عمل وکړو، بيا تر ډيرې مودې پورې د هغوئي اولاد هم پۀ دې باندې عمل کولو، د ايمان والؤ د قابيل او د هغۀ د اولاد سره هيڅ قِسمه تعلق نۀ وو، د کوم پۀ وجه چې معاشره ډيره پۀ سکون کښې وه، هيڅ بدي، فتنه او فساد وغيره پۀ معاشره کښې نۀ وو، بيا د ډيرې مودې تيريدو نه پس خلقو د حضرت آدم عَلَیْهِ السَّلَام وصيت هير کړو، ايمان والؤ د قابيل او د هغۀ د اولاد (کوم چې ټول غير مسلمه وو، د هغوئي) سره نفرت ختم کړو، پۀ ورو ورو تګ راتګ شروع شو، بيا يـې پۀ خپل مينځ کښې رشتې وکړې، بيا هٰغه رشتو د محبت رنګ اختيار کړو، اخر د قابيل او د هغۀ د اولاد کفر او د هغوئي نورو بدو پۀ معاشره کښې اثر شروع کړو، بيا هٰغه وخت هم راغلو چې خلقو د کُفر او د ګناه دغه لاره صحيح وګڼله، تر دې پورې چې زمکه د کُفر او د ګناه نه ډکه شوه، بيا الله پاک حضرت نُوح عَلَیْهِ السَّلَام راوليږلو، هغوئي 950 کاله خلقو له د نيکۍ دعوت ورکولو، هغوئي يـې د خپل اصلي دِين، د هدايت د اصلي لارې طرف ته رابلل خو د خلقو زړونه پۀ کُفر باندې پاخه شوي وو، هٰغه خلقو هُم غلطه لاره صحيح ګڼلې وه، اخر هم هٰغه وشول کوم چې کيدل وو، الله پاک د سيلاب عذاب راوليږلو، کوم چې ټول کافران تباه او برباد کړل۔ ^([1])

 دا دے پۀ زمکه کښې فساد۔۔۔!! دا د کوم ځائے نه شروع شو؟ هٰغه نفرت او بيزاري کوم چې د قابيل د اولاد سره د ساتلو حضرت آدم عَلَیْهِ السَّلَام نصيحت کړے وو، چې کله د زړونو نه دغه نفرت او بيزاري ختمه شوه نو فساد خوريدل شروع شو۔ ځکه مونږ ټولو له