دې قيمت دے، ^([1]) د سپينو زرو قيمت کميږي او زياتيږي، ځکه پۀ قيمت کښې د هٰغې ورځې لحاظ دے پۀ کومه ورځ چې نکاح شوې وي، مثلاً پۀ 10 اپريل کال 2025 د سپينو زرو قيمت: د تولې پۀ سر 3161 روپۍ دے۔ پۀ دې لحاظ سره به د مهر کم نه کم مقدار تقريباً 8298 روپۍ جوړيږي۔

دويم حق: نفقه (يعنې خرچه) ورکول

وضاحت: پۀ نفقه کښې درې څيزونه شامل دي: * خوراک څښاک *جامې *او د اوسيدو د پاره کور۔ ^([2]) پۀ کال کښې دوه جوړې جامې ورکول واجب دي۔ ^([3]) او د ښځې د اوسيدو (يعنې کم از کم د بيلې کمرې) انتظام هم د خاوند پۀ ذمه واجب دي۔ ^([4])

 دريم حق: اَمْرٌبِالْمَعْرُوْفٍ وَنَہْیٌ عَنِ الْمُنْکَر (د نيکۍ حکم کول او د ګناه نه منع کول) 

وضاحت: د ښځې پۀ حقونو کښې دا هم دي چې خاوند به هغې له * د نيکۍ دعوت ورکوي * او د ګناه نه به يـې منع کوي، هغې ته به * د نـمونځ * د روژې * د قرآنِ پاک د تلاوت وغيره د نورو نيکو کارونو حکم کوي * د بے پردې کيدو وغيره د ګناه د کارونو نه به يـې منع کوي۔ پۀ قرآنِ کريم کښې دي:

یٰۤاَیُّهَا الَّذِیْنَ اٰمَنُوْا قُوْۤا اَنْفُسَكُمْ وَ اَهْلِیْكُمْ نَارًا (پارہ : 28، سورۀ التحریم :06 )

[مفهوم] ترجمهٴ کنزُ العِرفان: اے  ايمان والؤ! خپل ځانونه او د خپل کور کسان د هٰغه وور نه بچ کړئ۔

 خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم ارشاد فرمائيلے دے: سړے د خپل کور والؤ نګران دے، د دۀ نه به د دۀ د کور والؤ پۀ باره کښې پوښتنه کيږي۔ ^([5])