يعنې څنګه چې پۀ ښځو باندې د خاوندانو حقونه ادا کول واجب دي هم داسې پۀ خاوندانو باندې هم د ښځو  حقونه ادا کول لازمي دي۔ ^([1])

د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم فرمان مبارک

خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم فرمائيلي دي: پۀ خلقو کښې بدترين کَس هٰغه دے کوم چې پۀ خپل کور والؤ باندې تنګي کوي، عرض وکړے شو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم ! تنګۍ کولو والا څنګه تنګي کوي؟ اوئې فرمائيل: چې کله هغۀ کور ته داخل شي نو د هغۀ ښځه د هغۀ نه ويريږي، د هغۀ بچے تښتي، څنګه چې هغۀ د کور نه بهر ووځي، د هغۀ ښځه او نور کور والا خوشحاله شي (لکه چې د هغوئي د سر نه څۀ مصيبت لرې شوے وي)۔ ^([2])

د ښځې درې حقونه

د انسان پۀ اهمو رشتو کښې د ښځې او د خاوند رشته هم ده، اِسلام د ښځې او د خاوند ډير حقونه بيان کړي دي، د کومو ادا کول چې ډير ضروري دي چې بعضې وخت د ښځې او د خاوند د يو بل د حقونو د خيال نۀ ساتلو پۀ وجه کور ماتيږي، نن به مونږه د ښځې د دريو حقونو د زده کولو سعادت حاصلوو۔

وړومبے حق: مهر ادا کول

وضاحت: مهر ادا کول واجب دي۔  پۀ قرآنِ کريم کښې دي:

فَاٰتُوْهُنَّ اُجُوْرَهُنَّ فَرِیْضَةًؕ- (پارہ:5، سورۀ النساء :24)

[مفهوم] ترجمهٴ کنزُ العِرفان: [نو] د هغوئي مقرره مهر هغوئي ته ورکړئ۔

د مهر کم نه کم مقدار 10 درهمه يعنې دوه تولې، اووه نيمې ماشې سپين زر يا د