الله ۽ رسول جو شير حضرت اميرِ حمزھ رَضِىَ اللهُ عَنْهُ

Al Quran Books Madani Channel

Magazine Courses Media

ابوهريره رَضِیَ اللهُ عَنْہُ کي خوف اهو ٿيو ته ڪٿي ائين نه ٿئي جو هن محفل ۾ ڪو قاطِعِ رحم هجي ۽ اسان ان جي ڪري رحمت کان محروم ٿي وڃون ...!!

اها آهي قاطِعِ رحم (يعني رشتو ٽوڙڻ واري) جي نحوست...!! هتان توهان اندازو لڳايو ته جنهن گهر ۾ قاطِعِ رحم هجي، جنهن گهٽي ۾، جنهن محلي ۾ رهندو هجي، ان گهر، ان گهٽي ۽ ان محلي تي رحمتون ڪيئن نازل ٿينديون ...؟ ۽ جيڪو پاڻ قاطِعِ رحم آهي ان جي دِل ۾ رحمت ڀريو ڪلام قرآن ڪريم ڪيئن سمائجي سگهندو؟

نيڪيون قبول نه ٿينديون آهن

حديثِ پاڪ ۾ آهي: هر جمعي جي رات ٻانهن جا عمل الله پاڪ جي بارگاهه ۾ پيش ٿيندا آهن فَلَا يَقْبَلُ عَمَلَ قَاطِعِ رَحِمٍ (پر) الله پاڪ قطع رحمي ڪرڻ واري جا عمل قبول نه فرمائيندو آهي^{^[1]}.

ان کي الله پاڪ ٽوڙي ڇڏيندو آهي

مُحَمَّدِ عربي، مڪي مَدَني صَلَّى اللهُ عَلَيْهِ وَاٰلِهٖ وَسَلَّم فرمايو: الله پاڪ جڏهن مخلوق کي پيدا ڪري چڪو ته رحم اٿي بيهي رحم ڪرڻ واري الله پاڪ جي دامن ۾ پناهه ورتي. الله پاڪ ان کي فرمايو: أَمَا تَرْضينَ أَنْ أَصِلَ مَنْ وَصَلَكِ، وَأَقْطَعَ مَنْ قَطَعَكِ؟ ڇا توکي اهو پسند ناهي ته جيڪو توکي جوڙي مان به ان کي جوڙيان ۽ جيڪو توکي ٽوڙي مان به ان کي ٽوڙي ڇڏيان. رحم عرض ڪيو، ها اي منهنجا رب! الله تعاليٰ فرمايو، پوءِ ائين ئي ٿيندو. ^{^[2]}

هڪ ٻي حديث پاڪ ۾ آهي: مان رحمٰن آهيان ۽ رحم جو مادو مون پنهنجي نالي مان ڪڍيو آهي، فَمَنْ وَصَلَهَا وَصَلْتُهُ، وَمَنْ قَطَعَهَا بَتَتُّهُ جنهن ان کي ملايو مان ان کي ملائيندس ۽ جنهن ان کي ٽوڙيو مان ان کي ٽوڙيندس.^{^[3]}

[1] الادب المفرد، صفحہ:32، حدیث:61۔

[2] بخاری، کتاب الادب، باب من وصل وصلہ اللہ، صفحہ:1495، حدیث:5987۔

[3] الادب المفرد، صفحہ:30، حدیث:53۔

Important

Mobile Apps

Contact Us