خوږو او محترمو اِسلامي وروڼو! د رَمَضَانُ المُبَارَک نه مخکښې مونږه د قرآنِ کريم د ترتيب مطابق د قرآني بيانونو د اوريدو سعادت حاصلولو، نن اِنْ شَآءَ اللہُ الْکَرِیم! مونږه بيا د هٰغه ترتيب سره د قرآني بيانونو سلسله شروع کوو۔ مونږه د وړومبۍ سيپارې، د سورۀ بقره د آيت: 6 او 7 د اوريدو سعادت حاصل کړو۔

د دې نه پۀ مخکښينو آيتونو کښې د هٰغه خلقو ذِکر وشو څوک چې د قرآنِ کريم د هدايت قبلولو صلاحيت لري۔ دا کوم خلق دي؟ الله پاک فرمائي:

ہُدًی  لِّلۡمُتَّقِیۡنَ (۲)             (پارہ :1، سورۀ بقرہ : 2) 

       ترجمهٴ کنزُ العِرفان  :                د ويريدونکو [پرهيزګارو] د پاره هدايت  دے۔

يعنې دا متقيان خلق دي کوم چې قرآنِ کريم لولي او د دۀ نه هدايت حاصلوي،هغه کوم خلق دي؟هغه هٰغه خلق کوم چې بغير د ليدلو (يعنې د غيبو پۀ څيزونو باندې) ايمان راوړي، نـمونځ قائموي، د الله پاک پۀ لار کښې د هغۀ پۀ ورکړے شوي رزق کښې خرچ کوي او پۀ اخرت باندې پوخ ايمان راوړي۔

اوس پۀ دې دوو آيتونو (يعنې پۀ آيت: شپږم او اووم) کښې د هٰغه خلقو ذِکر کيږي کوم چې قرآنِ کريم ولولي ، پۀ دۀ باندې ځان هم پوهه کړي، د دۀ پۀ مخکښې که حق هر څومره هم واضحه بيان کړے شي، د دې باوجود دوئي ايمان نۀ راوړي او هدايت قبلولو ته نۀ تياريږي۔ دا کوم خلق دي؟ الله پاک فرمائي:

اِنَّ الَّذِیۡنَ  کَفَرُوۡا    (پارہ :1، سورۀ بقرہ :6)

       ترجمهٴ کنزُ العِرفان: بے شکه هٰغه خلق د کومو پۀ قسمت كښې چې کُفر دے۔

يعنې دا کافِران خلق دي۔ لکه ابو جهل، ابو لهب، عُتبه، شيبه وغيره ^([1]) او تر قيامته پورې د دوئي پۀ شان خلق کوم چې ازلي کافران دي، د هغوئي حالت څۀ دے؟ د هغوئي خراب عادتوتونه، خراب صفتونه څۀ دي ؟