دغه کلمه وئيلو هم د دوزخ د ټولو نه د لاندې طبقې حقداران جوړ شول * کوم بنده چې پۀ رښتوني زړۀ کلمه ووائي، د هغۀ مخکښيني ګناهونه ورانيږي خو د منافقانو ګناهونه زيات شول۔

 صحابۀ کرامو عَلَیْہِمُ الرِّضْوان             به پۀ مسجدِ نبوي شريف کښې نـمونځونه کول، د خوږ آقا و مولا، مکي مَدَني مصطفٰے   صَلَّی اللہُ تَعَالٰی عَلَیْہِ وَاٰلہٖ وَسَلَّم             د نوراني مخ زيارت به يـې کولو، د نبي کريم   صَلَّی اللہُ تَعَالٰی عَلَیْہِ وَاٰلہٖ وَسَلَّم             پاک کلام به يـې اوريدلو، بالکل هم دغه کار به منافقانو هم کولو، دوئي به هم پۀ مسجدِ نبوي شريف کښې نـمونځونه کول، دوئي به هم بارګاهِ رسالت   صَلَّی اللہُ تَعَالٰی عَلَیْہِ وَاٰلہٖ وَسَلَّم             ته حاضريدل، دوئي به هم د وَالضُّحیٰ رخسار زيارت کولو خو فرق ته وګورئ چې څومره زيات دے، * د دغه وَالضُّحیٰ رُخسار د ليدلو پۀ برکت صحابه کرام عَلَیْہِمُ الرِّضْوان          جنتيان شول خو منافقان (د خپل نفاق پۀ وجه) د دوزخ حقداران شول * د دغه نوراني مخ د ليدلو پۀ برکت صحابۀ کرام عَلَیْہِمُ الرِّضْوان          تر قيامته پورې د راتلونکو لوئي لوئي اوليائے کرامو، علمائے کرامو، صالحانو، غرض دا چې د ټولو مسلمانانو سرداران جوړ شول او منافقان۔۔۔!! د لعنت حقداران جوړ شول * د دغه نوراني مخ زيارت د صحابۀ کرامو عَلَیْہِمُ الرِّضْوان          نصيب شو نو تر قيامته پورې د هغوئي عزت، د هغوئي احترام د خلقو پۀ زړونو کښې واچولے شو، تر ننه پورې پۀ کتابونو کښې د هغوئي ذِکر کيږي، پۀ منبرونو باندې د هغوئي نومونه اخستلے کيږي، پۀ خطبه کښې د هغوئي د پاره دعاګانې کيږي، د صحابۀ کرامو عَلَیْہِمُ الرِّضْوان          پۀ نومونو باندې محفلونه راجوړيږي، د هغوئي د نومونو نعرې وهلے کيږي، د صحابۀ کرامو عَلَیْہِمُ الرِّضْوان          نوم چې واوريدلے شي نو سرونه د ادب نه ښکته کيږي خو منافقان۔۔۔!! څومره بد بخته وو، هغوئي هم د دغه نوراني رخسار زيارت وکړو، هم دغه کلمه يـې ووئيله، پۀ مسجدِ نبوي شريف کښې يـې نـمونځونه هم وکړل خو نن د هغوئي نومونه هم څوک نۀ پيژني، څوک يـې چې پيژني نو هغوئي پرې هم لعنت وائي، نفرت ترينه کوي، د هغوئي ادب څوک هم نۀ کوي۔

اخر دا منافقان د دومره غټ نقصان حقداران ولې جوړ شول؟ خپل ځان له د دوکې ورکولو پۀ وجه۔ دې بد بختو الله پاک له، د هغۀ خوږ محبوب   صَلَّی اللہُ تَعَالٰی عَلَیْہِ وَاٰلہٖ وَسَلَّم             له او ايمان والؤ له دوکه ورکول