دوئي دا ايمان صرف او صرف د ژبې تر حده پورې دے، دا بد بخته د زړۀ نۀ کلمه نۀ وائي۔

دلته پۀ ذهن کښې دا سوال راځي چې که هغوئي ايمان قبول کړے هم نۀ دے، د زړۀ نه يـې کلمه هم نۀ ده وئيلې نو پۀ ژبه باندې خو يـې وئيلې ده؟ الله پاک فرمائي:

یُخٰدِعُوْنَ اللّٰهَ وَ الَّذِیْنَ اٰمَنُوْا ۚ

ترجمهٴ کنزُ العِرفان: دا خلق الله لره او ايمان والؤ لره دوکه ورکول غواړي۔

يعنې دوئي پۀ ژبه باندې د ايمان اظهار کوي د پاره د دې چې دوئي مسلمانان وګڼلے شي، پۀ دوئي باندې هٰغه کرم وي کوم چې پۀ مسلمانانو باندې وي، رسولِ اکرم، نورِ مُجَسَّم   صَلَّی اللہُ تَعَالٰی عَلَیْہِ وَاٰلہٖ وَسَلَّم   پۀ دوئي باندې شفقت وکړي، لکه څنګه چې پۀ مسلمانانو باندې کوي، مسلمانان دوئي خپل وروڼه وګڼي، د دوئي د ځان او د دوئي د مال هم هٰغه شان حفاظت کيږي لکه څنګه چې د مسلمانانو کيږي، دوئي ته هٰغه ټولې فائدې حاصلې شي کومې چې پۀ يو اِسلامي سلطنت کښې يو مسلمان ته حاصليږي  او ورسره ورسره دوئي پۀ زړونو کښې کُفر هم پټ ساتلے دے، غرض دا چې دوئي الله پاک له او ايمان والؤ له د دوکې ورکولو پۀ کوشش کښې دي۔ خو حال دا دے چې

وَ مَا یَخْدَعُوْنَ اِلَّاۤ اَنْفُسَهُمْ وَ مَا یَشْعُرُوْنَؕ(۹)

ترجمهٴ کنزُ العِرفان   : او هغوئي دوکه نۀ ورکوي مګر خپلو ځانونو لره. او هغوئي شعور نۀ لري۔

الله پاک له، د هغۀ خوږ محبوب   صَلَّی اللہُ تَعَالٰی عَلَیْہِ وَاٰلہٖ وَسَلَّم   له څنګه دوکه ورکړے کيدے شي۔۔۔؟ دوکه خو هغوئي له ورکړے کيدے شي د چا نه چې څۀ پټ وي خو * الله پاک علّامُ الغَيُوب (يعنې د غيبو نه خبر) دے، هغۀ د ټولو پټو خبرو نه خبر دے * د زړونو د حال نه هم ښه خبر دے      * پۀ کائنات کښې داسې يوه ذره هم نشته کومه چې د رَبِّ قَدِير نه پټيدے شي، ځکه الله پاک له هيڅکله هم دوکه هډو ورکړے کيدے نشي * هم داسې د الله پاک محبوب نبي، رسولِ هاشمي   صَلَّی اللہُ تَعَالٰی عَلَیْہِ وَاٰلہٖ وَسَلَّم                             د الله پاک خليفۀ اعظم دے * رَبِّ قَدِير خپل حبيب   صَلَّی اللہُ تَعَالٰی عَلَیْہِ وَاٰلہٖ وَسَلَّم