معلومه شوه چې هٰغه بنده کوم چې کبيره ګناه کوي، فرائض پريږدي، واجب پريږدي، بيا د خپلو ګناهونو نه توبه هم نۀ کوي او د دې سره سره د جنَّت اُميد هم ساتي نو داسې کَس بيوقوفه دے۔

چې الله پاک، د هغۀ خوږ محبوب   صَلَّی اللہُ تَعَالٰی عَلَیْہِ وَاٰلہٖ وَسَلَّم             واضحه وئيلي دي چې * نـمونځ نۀ کوونکے د دوزخ حقدار دے * فرض روژې قضا کوونکے * د فرض کيدو باوجود زکوٰة نۀ ورکوونکے * د مور پلار نافرمانه * ګاؤنډيانو له تکليف ورکوونکے * مسلمانانو وروڼو ته بر ناحقه نقصان رسولو والا د دوزخ حقدار دے نو بيا دا کار کوونکے ځان د جنَّت حقدار څنګه ګڼلے شي؟ تاسو پخپله غور وکړئ چې يو کَس دے، هغۀ د الله پاک پۀ محبت کښې نرمه نرمه بستره پريږدي، د خپل خوب قرباني ورکوي، سحر وختي پاڅي او د نـمونځ کولو د پاره جومات ته ځي او بَل کَس دے چې پۀ خواږۀ خوب اوده دے، نـمونځونه قضا کوي، آيا دا دواړه يو شان کيدے شي؟ هيڅکله هم نشي کيدے، الله پاک فرمائي:

اَفَنَجْعَلُ الْمُسْلِمِیْنَ كَالْمُجْرِمِیْنَؕ(۳۵) مَا لَكُمْٙ-كَیْفَ تَحْكُمُوْنَۚ(۳۶)

(پارہ:29، سورۀ قلم، آیت: 35، 36)               

ترجمهٴ کنزُ العِرفان   : نو آيا مونږه مسلمانان د مجرمانو پۀ شان کـړُو پۀ تاسو څۀ وشو؟ څنګه حُکم لګوئ؟

 دا څنګه کيدے شي؟ نيک او ګنهګار، نـمونځ ګزاره او بے نـمانځه، روژه دار او روژې قضا کوونکے، سَخي او کنجوس، د مور پلار فرمانبردار او نافرمان يو شان څنګه کيدے شي؟ نشي کيدے، ځکه چې څوک هم ګناه کوي، د توبې طرف ته هم نۀ مائله کيږي، بيا د الله پاک نه د جنَّت اُميد هم ساتي، داسې کَس پۀ خطا باندې دے، کشتۍ پۀ اوبو باندې د پاڅه ګرځي، پۀ وچه باندې نه ګرځي، دغه شان ګناه د جنَّت طرف ته بوتلل نۀ کوي بلکې ګناه هم هميشه د دوزخ حقدار جوړل کوي۔ لهذا کوم کَس د الله پاک د رحمت پۀ طمع پۀ ګناهونو کښې اخته وي، هغۀ د خپل ځان پۀ دوکه کولو کښې اخته دے، خپل ځان له دوکه ورکوي۔

مونږ له پکار دي چې مونږه پۀ هوش کښې راشو، خپل ځان پۀ دوکه کښې نۀ اخته کوو،