هغوئي ته هم وخت پۀ وخت سلام رَسَوَل پکار دي۔ راځئ چې پۀ دې باره کښې يوه ښکلې واقعه واورو:

د الله پاک خوږ او اخري نبي، رسولِ هاشمي  صَلَّى اللهُ عَلَيْهِ وَاٰلِهٖ وَسَلَّم    چې کله هجرت وکړو او مدينے منورې ته يـې تشريف يوړلو نو هلته نبي کريم  صَلَّى اللهُ عَلَيْهِ وَاٰلِهٖ وَسَلَّم    د مهاجرو (يعنې پۀ هجرت کولو د راتلونکو) او د انصار صحابۀ کرامو رَضِىَ اللهُ عَـنْهُم ترمينځه ورورولي قائمه کړه۔ دې لړ کښې حضرت سلمان فارسي او حضرت اَبُو دَرداء رَضِىَ اللهُ عَـنْهما پۀ خپل مينځ کښې وروڼه وروڼه جوړ کړے شول۔

پۀ دې بنياد باندې به حضرت سلمان فارسي رَضِیَ اللہُ تَعَالٰی عَنْہُ او حضرت اَبُو دَرداء رَضِیَ اللہُ تَعَالٰی عَنْہُ پۀ خپل مينځ کښې ډيره مينه محبت ساتلو۔ د سرکارِ عالي وقار، مکي مَدَني تاجدار  صَلَّى اللهُ عَلَيْهِ وَاٰلِهٖ وَسَلَّم    د ظاهري وصال نه پس حضرت اَبُو دَرداء رَضِیَ اللہُ تَعَالٰی عَنْہُ شام ملک ته تشريف يوړلو او حضرت سلمان فارسي رَضِیَ اللہُ تَعَالٰی عَنْہُ د عراق پۀ مدائِن ښار کښې تشريف فرما شو۔^([1])

يو ځل حضرت اَشعَت بن قيس او حضرت جَرير بن عبد الله بَجلِي رَضِىَ اللهُ عَـنْهما د شام  نه عراق ته لاړل، هغوئي دواړو حضرت سلمان فارسي رَضِیَ اللہُ تَعَالٰی عَنْہُ ليدلے نۀ وو، پۀ پوښتنه کولو کولو د حضرت سلمان فارسي رَضِیَ اللہُ تَعَالٰی عَنْہُ پۀ خدمت کښې حاضر شول، هٰغه وخت حضرت سلمان فارسي رَضِیَ اللہُ تَعَالٰی عَنْہُ پۀ يوه وړۀ شان خيمه کښې تشريف فرما وو، حضرت اَشعَت بن قَيس او حضرت جَرِير بن عبد الله رَضِىَ اللهُ عَـنْهما سلام عرض کړو، حضرت سلمان فارسي رَضِیَ اللہُ تَعَالٰی عَنْہُ جواب ارشاد کړو، بيا ترينه دواړو پوښتنه وکړه: آيا هُم تاسو سلمان فارسي يئ؟ اوئې فرمائيل: آؤ! زۀ سلمان فارسي يم۔ پوښتنه يـې وکړه: هٰغه سلمان کوم چې صحابئ رسول دے؟ حضرت سلمان فارسي رَضِیَ اللہُ تَعَالٰی عَنْہُ وفرمائيل: دا خو ما ته پته نشته چې زۀ صحابي يم او که نۀ۔ دا يـې چې واوريدل نو حضرت اَشعَت او حضرت جَرِير رَضِىَ اللهُ عَـنْهما لږ پۀ شک کښي شول او پۀ خپل