Share this link via
عيد خير خواهي جو ڏينهن آهي
پيارا اسلامي ڀائرو! اسان عيد جي ڏينهن خوشيون ورهايون، غريبن کي به پاڻ سان گڏ انهن خوشين ۾ شامل ڪريون، اها ڳالهه اسان جي دين اسلام کي تمام گهڻي پسند آهي، انهيءَ حڪمت هيٺ ئي ته فطرو واجب قرار ڏنو ويو آهي. صحابي ابن صحابي حضرت عبدالله بن عباس رَضِیَ اللهُ عَنْہما فرمائن ٿا: غريبن جي غمخوار، مدني سرڪار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ فطرو مقرر فرمايو ته جيئن فضول ۽ بيهودہه ڳالهين کان روزن جي صفائي ٿي وڃي ۽ ان جي ذريعي مسڪينن جي خوراڪ جو سامان به ٿي وڃي. ([1])
سُبْحٰنَ اللہ! اندازو لڳايو! اسان جي پياري دين، اسان جي شريعت، اسان جي پياري آقا ۽ موليٰ، مڪي مدني مصطفيٰ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کي غريبن جو ڪيترو نه خيال آهي، تنهنڪري اسان کي گهرجي ته اسان فطرو به خوشدلي سان ادا ڪريون ۽ ان کان علاوهه به خيرات ۽ صدقي جي ذريعي غريبن جي مدد ڪرڻ جي عادت اختيار ڪريون.
پيارا اسلامي ڀائرو! اسان کي گهڻي کان گهڻي صدقي ۽ خيرات ڪرڻ جي عادت اپنائڻ گهرجي، جن تي زڪوات فرض آهي، انهن تي ته لازم آهي ته حساب ڪري زڪوات ادا ڪن، بلڪه ڪنهن عاشقِ رسول مفتي صاحب کان حساب ڪرائي پوري پوري زڪوات ادا ڪن. زڪوات ۾ هڪ روپئي جي به گهٽتائي ڪرڻ گناهه جو ڪم آهي. ان سان گڏوگڏ نفلي صدقو ۽ خيرات جي به عادت بڻايو! صدقهءِ فطر هر مسلمان آزاد مالڪ نصاب تي، جنهن جو نصاب حاجت اصليه کان فارغ هجي، واجب آهي. ([2]) اللہ پاڪ فرمائي ٿو:
قَدۡ اَفۡلَحَ مَنۡ تَزَکّٰی ﴿ۙ۱۴﴾(پارو:30 ، الاعليٰ:14)
ترجمو ڪنز العرفان: بيشڪ جنهن پاڻ کي پاڪ ڪري ورتو اهو ڪامياب ٿيندو.
BOOK TOPIC
- رمضان کان پوءِ عيد ايندي آهي
- درودِ پاڪ جي فضيلت
- عيد مغفرت جو ڏينهن آهي
- هڪ سخيءَ جي عيد
- عيد خير خواهي جو ڏينهن آهي
- دل خوش ڪرڻ جون فضيلتون
- نفعو پهچائڻ وارا بڻجي وڃو
- نفعو پهچائڻ واري شيءِ باقي رهندي آهي
- غريب ٻار جي عيد ٿي وئي
- فطرو واجب هئڻ جي هڪ حڪمت
- صدقو ۽ خيرات جي عادت اپنايو
- فطري جي ادئيگي 4 شين سان ٿيندي آهي
- عطيات جي ترغيب
- فوت ٿي ويلن سان به خير خواهي
- قبر ۾ انوار داخل ٿيندا
- مان عيد جي نماز به نه پڙهندو هئس
- نمازِ عيد جو طريقو (حنفي)
- عيد جي 6 روزن جي ترغيب
