اَلْحَمْدُ لِلہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی خَاتَمِ النَّبِیّٖن

اَمَّا بَعْدُ! فَاَعُوْذُ بِاللہِ مِنَ الشَّیْطٰنِ الرَّجِیْمِ  بِسْمِ اللہِ الرَّحْمٰنِ الرَّحِیْمِ

اَلصَّلٰوۃُ وَالسَّلَامُ عَلَیْکَ یَارَسُوْلَ اللہ                                                                  وَعَلٰی آلِکَ وَاَصْحٰبِکَ یَاحَبِیْبَ اللہ

اَلصَّلٰوۃُ وَالسَّلَامُ عَلَیْکَ یَانَبِیَّ اللہ                                                                                وَعَلٰی آلِکَ وَاَصْحٰبِکَ یَانُوْرَ اللہ

نَوَیْتُ سُنَّتَ الْاِعْتِکَاف                                                                                                                (ترجمہ: میں نے سُنَّت اعتکاف کی نِیَّت کی)

درودِ پاک کی فضیلت

فرمانِ آخری نبی، رسولِ ہاشمی  صَلَّی اللہُ عَلَیْہِ وَ آلِہٖ وَ سَلَّم  : مجھ پر درودِ پاک پڑھنا پُل صِراط پر نُور ہے، جو جمعہ کے دِن مجھ پر 80بار درودِ پاک پڑھے، اس کے 80 سال کے گُنَاہ مُعَاف ہو جائیں گے۔^([1])

ذاتِ والا پہ بار بار دُرود                                                                                                    بار بار اور بے شمار دُرود

بے عدد اور بے عدد تسلیم                                                                                      بے شُمار اور بے شُمار دُرود^([2])

سُبْحٰنَ اللہ! پیارے اسلامی بھائیو! درودِ پاک کی بھی کیا نِرالی شانیں ہیں، پُل صِراط جو بال سے باریک، تلوار سے تیز اور اندھیرے میں ڈوبا ہوا ہے، یہاں دُنیا میں محبوبِ ذیشان، مکی مدنی سلطان  صَلَّی اللہُ عَلَیْہِ وَ آلِہٖ وَ سَلَّم  کی جناب میں درودِ پاک کے نذرانے پیش کیجئے! اِنْ شَآءَ اللہُ الْکَرِیْم! پُل صِراط پر نُور ملے گا، جس کی روشنی میں پُل صِراط پار کرنا آسان ہو جائے گا۔ علّامہ اِبْنِ جوزی    رحمۃُ اللہِ علیہ    لکھتے ہیں: قیامت کے دِن جب لوگ پُل صِراط سے گزر رہے ہوں گے، اس وقت سرکارِ عالی وقار، مکی مدنی تاجدار  صَلَّی اللہُ عَلَیْہِ وَ آلِہٖ وَ سَلَّم  کے