میں نے بھی وہی سُوال پوچھا جو تم نے مجھ سے  پوچھا ہے کہ یا رَسولَ اللہ   صَلَّی اللہُ عَلَیْہِ وَ آلِہٖ وَسَلَّم  !اس عمل مُبارَک کی حِکمت کیا ہے؟ آپ   صَلَّی اللہُ عَلَیْہِ وَ آلِہٖ وَسَلَّم   نے فرمایا: اے علی! جب بندہ اللہ پاک سے گُنَاہوں کی مُعَافِی مانگتا ہے تو اللہ پاک اس بندے سے خوش ہو کر مُسکراتا ہے، بس اللہ پاک کے اِسی مُسکرانے کی وجہ سے میں بھی مُسکرایاہوں۔ ^([1])

سُبْحٰنَ اللہ! کیا بات ہے...!! اَوَّلًا تواس رِوایت میں مولیٰ علی  رَضِیَ اللہُ عنہ  کا اَنداز دیکھئے! آپ کی اَدَائے مصطفےٰ   صَلَّی اللہُ عَلَیْہِ وَ آلِہٖ وَسَلَّم   کے ساتھ محبّت دیکھئے! آپ نے مکمل طَور پر وہی نقشہ بنایا، آپ   صَلَّی اللہُ عَلَیْہِ وَ آلِہٖ وَسَلَّم   سُواری پر سُوار ہوئے تھے، مولیٰ علی  رَضِیَ اللہُ عنہ  بھی سُواری پر بیٹھے، آپ   صَلَّی اللہُ عَلَیْہِ وَ آلِہٖ وَسَلَّم   نے مولیٰ علی کواپنے پیچھے بٹھایا تھا، مولیٰ علی  رَضِیَ اللہُ عنہ  نے حضرت علی بن رَبِیْعہ  رَحمۃُ اللہِ عَلَیْہ   کو اپنے پیچھے بٹھایا، آپ   صَلَّی اللہُ عَلَیْہِ وَ آلِہٖ وَسَلَّم   حِرَّہ کی طرف روانہ ہوئے تھے،مولیٰ علی  رَضِیَ اللہُ عنہ  بھی حِرَّہ کی طرف روانہ ہوئے، آپ   صَلَّی اللہُ عَلَیْہِ وَ آلِہٖ وَسَلَّم   نے آسمان کی طرف سَر اُٹھایا تھا، مولیٰ علی  رَضِیَ اللہُ عنہ  بھی نے آسمان کی طرف سَراُٹھایا، آپ   صَلَّی اللہُ عَلَیْہِ وَ آلِہٖ وَسَلَّم   نے دُعائے مَغفرت پڑھی تھی، مولیٰ علی  رَضِیَ اللہُ عنہ  نے بھی پڑھی، آپ   صَلَّی اللہُ عَلَیْہِ وَ آلِہٖ وَسَلَّم   بھی پیچھے دیکھ کر مُسکرائے تھے، مولیٰ علی  رَضِیَ اللہُ عنہ  بھی پیچھے دیکھ کر مُسکرائے، یعنی پُورے کا پورا وہی مَنظر جو رسولِ ذیشان، مکی مَدَنی سلطان   صَلَّی اللہُ عَلَیْہِ وَ آلِہٖ وَسَلَّم    کے ساتھ پیش آیا تھا، مولیٰ علی  رَضِیَ اللہُ عنہ  نے ہُو بہُو  وہی مَنظر بنایا، پِھر آپ   صَلَّی اللہُ عَلَیْہِ وَ آلِہٖ وَسَلَّم   کی حدیث بیان فرمائی۔

سُبْحٰنَ اللہ! یہ ہے صحابۂ کرام   رَضِیَ اللہُ عنہم   کی سُنّتوں سےمحبّت...!!پِھر ہم کیوں نہ کہیں:

ہر صحابیِ نبی!                                                                  جنّتی جنّتی                                       سب صحابیات بھی!                                 جنّتی جنّتی