پس دعاګانې کوئ * تهجد کوئ او دعاګانې کوئ! اِنْ شَآءَ اللہُ الْکَرِیم! جولۍ به مو ډکه شي. راځئ چې د ترغيب د پاره تاسو ته د دُعا کولو پۀ فضائلو يو څو حديثونه بيان کړم:

د دُعا کولو فضائل

* پۀ حديثِ قُدسي کښې دي: الله پاک فرمائي: اَنَا مَعَہُ اِذَا دَعَانِیْ يعنې بنده چې کله زما نه دُعا غواړي نو زۀ د هغۀ سره  يم. ^([1])

اعلیٰ حضرت، امامِ اهلِسُنَّت امام احمد رضا خان رَحْمَةُ الـلّٰـهِ عَـلَيْه د دې حديث پۀ شرح کښې فرمائي: د دې نه د خاص کرم او رحمت پۀ ذريعه ورسره کيدل مُراد دي، د الله پاک دا خصوصي رحمت د دُعا کوونکي نصيب کيږي.^([2])

* پۀ حديث شريف کښې دي: د دُعا نه مۀ عاجزه کيږئ ولې چې وکوم  کَس د دُعا سره وي هغه به نۀ هلاکيږي^([3]) * پۀ يو حديث شريف کښې يـې فرمائيلي دي: دُعا د مسلمان وسله، د دِين ستَن او د اسمان نُور دے^([4]) * خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم فرمائيلي دي: آيا زۀ تاسو ته هٰغه څيز بيان نکړم کوم چې تاسو ته د دښمن نه نجات درکړي او ستاسو رزق فراخه کړي، شپه ورځ د الله پاک نه دعا غواړئ ولې چې دُعا د مؤمِن وسله ده.^([5])

الله پاک دې مونږ ته پۀ کثرت سره د دعاګانو کولو توفيق راعطا کړي.

 اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم.