پۀ کوم څيز باندې د خُدائے د حبيب صَلَّى اللهُ عَلَيْهِ وَاٰلِهٖ وَسَلَّم نظر نشته...؟؟

مُسلِم شريف کوم چې د حديثِ پاک ډير مشهور کتاب دے، پۀ دې کښې روايت دے، د دې حديثِ پاک روايت کوونکے مشهور صحابئ رسول حضرت اَنَس بن مالِک رَضِىَ اللهُ عَـنْهُ دے، فرمائي: يو ځل زۀ د مسلمانانو د دويم خليفه حضرت عمر فاروقِ اعظم رَضِىَ اللهُ عَـنْهُ سره ووم، هغوئي د غزوۀ بدر پۀ باره کښې خبرې شروع کړې، پۀ هغې کښې هغوئي وفرمائيل: (د غزوۀ بدر شپه يعنې هٰغه شپه وه د کومې پۀ سبا چې غزوۀ بدر شوے وو، پۀ هٰغه شپه) خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د بدر ميدان ته تشريف يوړلو او (نخښې يـې وکړې او) اوئې فرمائيل: ہٰذَا مَصْرَعُ فُلَانٍ غَدًااِنْ شَآءَ اللہُ يعنې اِنْ شَآءَ اللہ! سبا به فلانکے دلته راغورځيږي (مثلاً پۀ دې ځائے کښې به ابو جهل راغورځيږي، دلته به عُتبه راغورځيږي، دلته به شيبه راغورځيږي)

حضرت عمر فاروقِ اعظم رَضِىَ اللهُ عَـنْهُ فرمائي: : فَوَالَّذِيْ بَعَثَهُ بِالْحَقِّ مَا اَخْطَئُوْا الْحُدُوْدَ الَّتِيْ حَدَّ رَسُوْلُ اللهِ صَلَّی اللہُ عَلَیْہِ وَ آلِہٖ وَسَلَّم يعنې د هٰغه ذات په قَسَم چا چې خوږ نبي صَلَّى اللهُ عَلَيْهِ وَاٰلِهٖ وَسَلَّم د حق سره راليږلے دے: کوم کوم ځائے چې خوږ محبوب صَلَّى اللهُ عَلَيْهِ وَاٰلِهٖ وَسَلَّم ښودلے وو، يو غير مسلمه هم د هٰغه ځائے نه د ذرې برابر هم اخوا ديخوا اونه غورځيدو.^([1])

سُبْحٰنَ اللہ! دا دے زمونږه د خوږ محبوب صَلَّى اللهُ عَلَيْهِ وَاٰلِهٖ وَسَلَّم عِلمِ غَيب...!! جنګ لا شروع شوے هم نۀ وو، پۀ بَله ورځ کيدلو، هُم د هغې نه مخکښې نبي کريم صَلَّى اللهُ عَلَيْهِ وَاٰلِهٖ وَسَلَّم حالات او نتيجې بيانوي. لکه چې ټوله نقشه د رسول الله صَلَّى اللهُ عَلَيْهِ وَاٰلِهٖ وَسَلَّم د وړاندې وه، خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم هر څۀ ويني او بيانوي يـې: دا هٰغه ځائے دے چرته چې به ابو جهل راغورځيږي، دا هٰغه ځائے دے چرته چې به عُتبه