تَعَوُّذ لوستل

خوږو او محترمو اِسلامي وروڼو! د شيطان نه د بچ کيدو يوه بهترينه طريقه د تَعَوُّذ يعنې اَعُوْذُ بِاللہِ مِنَ الشَّیْطٰنِ الرَّجِیْمِ کثرت کول هم دي. يعنې مونږ چې پۀ ناسته پاسته، ګرځيدو پۀ کثرت سره اَعُوْذُ بِاللہِ مِنَ الشَّیْطٰنِ الرَّجِیْمِ لولو نو د دې پۀ برکت باندې به هم اِنْ شَآءَ اللہُ الْکَرِیم! مونږه د شيطان د چلونو نه بچ کيږو. پۀ حديثِ پاک کښې دي: کوم بنده چې پۀ ټوله ورځ کښې 10 کرته  اَعُوْذُ بِاللہِ مِنَ الشَّیْطٰنِ الرَّجِیْمِ لولي نو الله پاک د يوې فرښتے ډيوټي لګوي کومه چې به شيطان د هغۀ نه داسې لرې شړي لکه څنګه چې د عربو خلق اوښان د اوبو د تالاب نه شړي. ^([1])

د تَعَوُّذ برکت

حضرت ابو سعيد خُدري رَضِىَ اللهُ عَـنْهُ فرمائي چې ما پۀ يو ځائے کښې شيطان راټيټ شوے وليدلو نو ما د هغۀ د امسا پۀ ذريعه د زخمي کولو اراده وکړه، شيطان ما ته ووئيل چې اے ابو سعيده! آيا تا ته معلومه نۀ ده چې زۀ د امسا او د دُنيا د وسلې نۀ هيڅ ويره نۀ لرم؟ ما ووئيل: اے لعنتي! تا کوم څيز ويروي؟ هغۀ جواب راکړو چې ما (پۀ دې دُنيا کښې صرف) دوه څيزونه ويروي: (1): د تَعَوُّذ لوستونکو تَعَوُّذ یعنې اَعُوْذُ بِاللہِ مِنَ الشَّیْطٰنِ الرَّجِیْمِ لوستل      (2): د صِدِّيقينو د معرفت شعاګانې. ^([2])

 سُبْحٰنَ اللہ! معلومه شوه چې د اَعُوذُ بالله لوستلو سره شيطان ويريږي، الله پاک دې مونږ ته د دې بد بخته د ويرولو او د دۀ د چلونو نه د بچ کيدو توفيق راعطا کړي.

 اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم.

صَلُّوْا عَلَی الْحَبِیْب!                           صَلَّی اللہُ عَلٰی مُحَمَّد