د بيان اوريدلو  نيتونه

پۀ حديثِ پاک کښې دي: اِنَّمَا الْاَعْمَالُ بِالنِّیَّات د اعمالو دار و مدار پۀ نيتونو دے. ^([1])

اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! پۀ ښو ښو نيتونو د عمل ثواب زياتيږي. راځئ چې د بيان اوريدو نه مخکښې څۀ ښۀ ښۀ نِيَّتونه وکړو: مَثَلاً * د الله پاک د رضا د پاره به ټول بيان اورم * پۀ اَدب به کښينم * ښۀ پۀ توجُّه به بيان اورم * څۀ چې واورم، د هغې به د يادولو، پخپله پرې د عمل کولو او نورو ته د رَسولو کوشش کووم.

صَلُّوْا عَلَی الْحَبِیْب!           صَلَّی اللہُ عَلٰی مُحَمَّد

خوږو او محترمو اِسلامي وروڼو! د 17 رَمَضَانُ المُبَارَک شريف ورځ کومه چې اِنْ شَآءَ اللہُ الْکَرِیم! راتلونکې ده، دا د اِسلامي تاريخ ډيره اهمه ورځ ده * پۀ دې ورځ د مسلمانانو د خوږې مور جانې، حبيببۀِ حبیبِ خُدا ، صِدِّيقه بنتِ صِدِّيق حضرت عائشه صِدِّيقه، طيبه طاهِره رَضِیَ اللهُ عَنْہما د وصال ورځ ده^([2]) * پۀ دې ورځ باندې پۀ اِسلامي تاريخ کښې د حق او د باطِل وړومبۍ معرکه يعنې غزوۀ بدر وشوه،^([3]) د حيرانتيا خبره دا ده چې پۀ دې غزوۀ کښې د مسلمانانو شميره صرف 313 وه او د غير مسلمو شميره يو زر [1000] وه، د هغوئي سره ساز و سامان او وَسله هم ډيره وه، بل خوا د مسلمانانو شميره کمه هم وه او د هغوئي سره غشي او تورې وغيره هم لږې وې، د دې باوجود الله پاک پۀ دې غزوۀ کښې مسلمانانو ته عظيمُ الشانه فتح عطا کړله او غير مسلمو ډير عبرتناک شکست وخوړو. * د دې نه پس پۀ 19 رَمَضَانُ المُبَارَک شريف د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د خوږې شهزادګۍ صاحبې حضرت رُقيه رَضِىَ اللهُ عَـنْها د وصال ورځ هم ده.^([4])