غزوۀ بدر او د زدکړې خبرې

خوږو او محترمو اِسلامي وروڼو! شيطان زمونږه دښمن دے * که خوشحالي وي او که غم * که اختر وي او که روژه * که هر څنګه وخت وي * هر قِسمه ورځې وي * مونږ ته دا بد بخته هُم خپل دښمن ګڼل پکار دي * پۀ يو وخت کښې هم د دۀ پۀ چل وَل کښې نه دي راګيريدل پکار. الله پاک پۀ قرآنِ کريم کښې فرمائي:

اِنَّ الشَّیْطٰنَ لَكُمْ عَدُوٌّ فَاتَّخِذُوْهُ عَدُوًّاؕ- (پارہ:22، سورۀ فاطر:6)

ترجمهٴ کنزُ العِرفان: بے شک شيطان ستاسو دُښمن دے نو تاسو هُم هغۀ دُښمن وګڼـئ.

يعنې اے خلقو! د الله پاک پۀ عبادت باندې قائِم اوسئ او د الله پاک پۀ نافرمانۍ کښې د شيطان پيروي مۀ کوئ او د شيطان سره دښمني کوئ! دا هميشه خپل دښمن ګڼئ ! ^{(^[1])}

څومره صفا فرمان دے. شيطان زمونږه دښمن دے او مونږ ته حکم کولے شي چې دا بد بخته لعين هميشه خپل دښمن ګڼئ ...!!

مونږ له پکار دي چې هغۀ دښمن وګڼو. اوس ووايئ چې څوک دښمن وي، انسان د هغۀ خبره مني، پۀ هغۀ پسې ځي، د هغۀ طرف ته ځي؟ هيڅکله هم نۀ. ځکه * چې کله شيطان ووائي: نـمونځ مۀ کوئ! مونږ به د هغۀ خبره هيڅکله هم نۀ منو * چې شيطان کله وسوسه راواچوي نو مونږ له د هغۀ خبره هيڅکله هم منل نۀ دي پکار * شيطان چې کله د غربت وسوسه راکړي نو چې د هغۀ خبره هيڅکله هم ونۀ منو، او ښۀ د زړۀ د اخلاصه سخاوت وکړو * چې شيطان د نيکۍ نه منع کړي نو مونږ له منع کيدل نۀ دي پکار، نيک کارونه کول پکار دي. غرض چې څۀ هم وي، مونږ له پکار دي چې هر وخت شيطان هم خپل دښمن ګڼو او د دې خبيث نه د بچ کيدو د پاره هر ممکن کوشش کوو.

[1]... مکاشفۃ القلوب، باب فی عداوۃ الشیطان، صفحہ:69۔

Important

Mobile Apps

Contact Us