انکار کوونکے دے. ^([1])

الله پاک دې مونږ ته توفيق راعطا کړي، کاش چې مونږه پۀ خپله هره معامله کښې د شريعت پابندۍ کولو والا جوړ شو. اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم.

(2): د شیطان د چلونو نه ځان بچ ساتئ...!!

د غزوۀ بدر نه ميلاؤيدونکے يو بَل سبق واورئ! الله پاک فرمائي:

وَ اِذْ زَیَّنَ لَهُمُ الشَّیْطٰنُ اَعْمَالَهُمْ وَ قَالَ لَا غَالِبَ لَكُمُ الْیَوْمَ مِنَ النَّاسِ وَ اِنِّیْ جَارٌ لَّكُمْۚ-فَلَمَّا تَرَآءَتِ الْفِئَتٰنِ نَكَصَ عَلٰى عَقِبَیْهِ (پارہ:10، سورۀ انفال:48) 

ترجمهٴ کنزُ العِرفان: او (ياد کړه) چې کله شيطان د هغوئي پۀ نظر کښې د هغوئي اعمال ښائسته ښکاره کړل او شيطان ورته ووئيل: نن د خلقو نه پۀ تاسو هيڅ څوک غالِب راتلونکے نشته او بے شکه زۀ ستاسو مددګار يم، بيا چې کله دواړه لښکرې مخامخ شوې نو شيطان پۀ شا وتښتيدو.

پۀ روايتونو کښې دي: چې کله د مکې غير مسلمه د بدر ميدان ته ورسيدل او د مسلمانانو سره يـې د جنګ کولو پخه اراده وکړه نو هغوئي ته راياد شو چې پۀ لاره کښې بنو بکر نومې قبيله راځي، زمونږه د هغوئي سره دښمني ده، هسې نۀ چې داسې وشي چې مونږه د بدر د پاره ووځو او بنو بکر قبيلې والا پۀ مونږ باندې حمله وکړي، ممکنه وه چې هٰغه خلق پۀ دې سوچ سره بدر ته د تللو نه منع شوے وے خو شيطان مردود ته دا هيڅکله هم منظوره نۀ وه، نو هغۀ څۀ وکړل چې د بنو کِنانه قبيلې د سردار سُرَاقه پۀ شکل کښي د هغوئي خوا له راغلو او اوئې وئيل: تاسو فِکر مۀ کوئ! زۀ ستاسو سره يم، ستاسو د حفاظت ذمه واري زۀ اخلم. نن به پۀ تاسو باندې څوک هم نۀ غالب کيږي.