مِزاج يا شريعت

افسوس چې دلته دا يو دستور جوړيدو والا دے،چي خلق د شريعت نه زيات خپل مزاج ته ګوري. چې څۀ يـې پۀ زړۀ کښې راځي هم هغه کوي، الله او رسول صَلَّى اللهُ عَلَيْهِ وَاٰلِهٖ وَسَلَّم څۀ فرمائيلي دي؟ شريعت پۀ دې باره کښې څۀ وائي، دا سوچ ډير کم کولے شي * پۀ زړۀ کښې مور راغلل چې کاروبار کول دي، چې څۀ کوو نو هغه حلال دے که حرام؟ جائز دے که ناجائزه، د دې پروا نۀ کيږي * د واده ښادۍ وغيره د خوشحالۍ موقع وي، څۀ چې مو پۀ زړۀ کښې راځي نو د هغې اهتمام کولے شي، سندرې سازونه حرام دي، د دې پروا نۀ کيږي، د ډول سُورنا شرعاً اجازت نشته، د دې پروا نۀ کيږي، بس چې مونږه غواړو چې د خوشحالۍ پۀ وخت سندرې سازونه وي، ځکه يـې خلق کوي * خلق کپړې اخلي، ګنډي يـې، خوراک څښاک کوي، پۀ زرګونو قِسمه معاملې کوي، پۀ دې کښي  بس خپل مزاج ته ګوري، زما چوائس څۀ دے؟ زما څۀ خوښ دي؟ دې ته کتلے شي، د الله او د رسول صَلَّى اللهُ عَلَيْهِ وَاٰلِهٖ وَسَلَّم رضا پۀ څۀ کښې ده؟ د ګنبدِ خضریٰ والا محبوب صَلَّى اللهُ عَلَيْهِ وَاٰلِهٖ وَسَلَّم سُنَّت څۀ دي، د دې خبرو هم ډير کم خلق خيال ساتي، بس د خپلو مزاجونو مطابق کار کوي. کاش چې زمونږه عادت جوړ شي چې مونږ پۀ هر حال کښې شريعت خپل پيشوا جوړولو والا جوړ شو.

فرمانبرداره د جنَّت حقداران دي

د صحابئ رسول حضرت ابو هريره رَضِىَ اللهُ عَـنْهُ نه روايت دے، رسولِ ذيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم فرمائيلي دي: زما ټول اُمَّت به جنَّت ته داخليږي خو هٰغه کَس چا چې انکار وکړو. عرض وکړے شو: هٰغه انکار کوونکے څوک دے؟ اوئې فرمائيل: چا چې زما اطاعت وکړو، هغۀ جنَّت ته داخل شو او چا چې زما نافرماني وکړه، هغۀ