خوږ محبوب صَلَّى اللهُ عَلَيْهِ وَاٰلِهٖ وَسَلَّم   پاک زړۀ دے چې که غرونه وو نو ذرې ذرې شوي به وو خو د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم   زړۀ  دا تجلي او فيض قبول کړو اوچې څنګه وو هم هٰغسې پاتې شو. اعلیٰ حضرت رَحْمَةُ الـلّٰـهِ عَـلَيْه ليکلي دي:

دِل سمجھ سے وراء مگر یُوں کہوں                                               غنچۂ رازِ وحدَت پہ لاکھوں سلام

وضاحت: اعلیٰ حضرت رَحْمَةُ الـلّٰـهِ عَـلَيْه د محبوبِ ذِيشان صَلَّى اللهُ عَلَيْهِ وَاٰلِهٖ وَسَلَّم   هر يو اندام، هرې يوې ادا ته د سلامونو نذرانې پيش کړې، چې کله يـې د  پاک زړۀ د پاره عرض وکړو نو اوئې وئيل: د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم   زړۀ هٰغه زړۀ دے پۀ کوم باندې چې مخلوق هډو پوهيدے هُم نشي، آؤ! دا وئيلے شم چې دا پاک زړۀ د وَحدَت د راز غنچه او باغ دے، پۀ دې باندې دې هم پۀ لکونو سلامونه وي.

خوږو او محترمو اِسلامي وروڼو! چې کله وړومبۍ وحي نازله شوه نو د خوږ محبوب صَلَّى اللهُ عَلَيْهِ وَاٰلِهٖ وَسَلَّم   پاک زړۀ  هسې خو پۀ ځائے وو، البته! د دې فيضِ رَبَّاني يو رُعب پرې راغلےوو، نو نبي کريم صَلَّى اللهُ عَلَيْهِ وَاٰلِهٖ وَسَلَّم   کور ته تشريف راوړلو، خوږې کور ودانې محترمې سَيِّده خديـجةُ الـکُبریٰ رَضِىَ اللهُ عَـنْها ته يـې وفرمائيل: پۀ ما باندې څادر راوغوړوه. حضرت خديـجةُ الـکُبریٰ رَضِىَ اللهُ عَـنْها پرې څادر وغوړولو. لږ سعت پس چې کله د  زړۀ مبارک نه د رُعب حالت ختم شو نو هغوئي ټوله واقعه حضرت خديـجةُ الـکُبریٰ رَضِىَ اللهُ عَـنْها ته بيان کړله او اوئې فرمائيل: زما سره د خپل ځان ويره ده.

پۀ دې موقع باندې چې حضرت خديـجةُ الـکُبریٰ رَضِىَ اللهُ عَـنْها کوم ښکلے کردار ادا کړو، يقين وکړئ چې ډير اعلیٰ او بے مثاله کردار دے. هغې د خوږ محبوب صَلَّى اللهُ عَلَيْهِ وَاٰلِهٖ وَسَلَّم   زړۀ له ډاډګيرنه ورکړه او عرض يـې وکړو: کَلَّا وَاللہِ مَا یُخْزِیْکَ اللہُ اَبَدًا يعنې داسې به هيڅکله هم نۀ کيږي، پۀ الله پاک مې دې قسم وي! الله پاک به چرې هم تاسو نۀ رُسوا کوي ځکه چې * اِنَّکَ لَتَصِلُ الرَّحِمَ بے شکه تاسو صِله رحمي کوۍ * وَ تَحْمِلُ الْکَلَّ د کمزورو بوج اوچتوۍ