عمر مبارک 25 کاله وو چې کله هغوئي حضرت خديـجةُ الـکُبریٰ رَضِىَ اللهُ عَـنْها پۀ خپله نکاح کښې قبوله کړه. د هغې کُنيت: اُمِّ قَاسِم دے. د هغې د ټولو نه مشهور لقب: الکبریٰ دے. هغۀ ډيره پاکبازه، ډيره د همت والا، د اوچتې حوصلې والا، عزت داره، اعلیٰ نسب لرونکې او ډيره عقلمنده زنانه وه، د هغې د اعلیٰ صفتونو او کمالونو څومره ښکلے شان دے...!! چې د جاهليت پۀ زمانه کښې به هم هغۀ د طَاهِرَه (يعنې پاکه زنانه) او سيدةُ قريش (يعنې د قريشو سرداره زنانه) پۀ لقب سره بللے شوه. د حضرت خديـجةُ الـکُبریٰ رَضِىَ اللهُ عَـنْها يو ښکلے لقب: صِدِّيقه هم دے. پۀ حديث شريف کښې دي، د الله پاک اخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم   فرمائيلي دي: ھٰذِہٖ صِدِّیْقَۃُ اُمَّتِیْ يعنې دا زما د اُمَّت صِدِّيقه ده. ^([1])

زمونږه د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم   ټول 7 بچي دي: څلور شهزادګۍ (حضرت زينب، حضرت رُقيه، حضرت اُمِّ کلثوم او خاتونِ جنّت حضرت بي بي فاطِـمةُ الـزَهراء رَضِىَ اللهُ عَـنْهنّ) او درې شهزادګان (حضرت قاسِم، حضرت عبد الله او حضرت ابراهيم رَضِىَ اللهُ عَـنْهُم). پۀ هغوئي کښې حضرت ابراهيم رَضِىَ اللهُ عَـنْهُ د ماريه قِبطيه رَضِىَ اللهُ عَـنْها شهزاده دے، باقي ټول اولاد يـې د حضرت خديـجةُ الـکُبریٰ رَضِىَ اللهُ عَـنْها نه وو.

 د نبوت پۀ لسم کال، د رَمَضَانُ المُبَارَک شريف پۀ لسم تاريخ حضرت خديـجةُ الـکُبریٰ رَضِىَ اللهُ عَـنْها د دې دُنيا نه رحلت وفرمائيلو، د رحلت فرمائيلو پۀ وخت د هغې عمر مبارک 65 کاله وو. ^([2]) د هغې مزار مبارک د مکې مکرمې پۀ مشهوره هديره جنَّت الـمُعلیٰ کښې دے.

وہ اُمُّ الْمُسْلِمِیں جو مادرِگِیْتِی کی عزت ہے                            وہ اُمُّ الْمُسْلِمِیں قدموں کے نیچے جس کے جنّت ہے