نه ګَډ راوليږلے شو * دا هٰغه محبوبه هستي ده چې د دي  زړۀ خِيرن شي، الله پاک ته هيڅکله هم دا منظوره نۀ ده * چې د دوئي زړۀ مبارک لږ شان غمژن شي نو الله پاک د سِدرَةُ الـمُنتَہیٰ نه جبريلِ امين عَلَیْهِ السَّلَام  راليږي او قرآني آيتونه نازلوي او  زړۀ مبارک له يې تسلي ورکوي. د چا چې دومره اوچت شان وي، لږ سوچ خو وکړئ چې د وړومبۍ وحي پۀ موقع باندې د هغوئي د زړۀ د ډاډګيرنې د خدمت کولو د پاره د يوې زنانه انتخاب ولې وکړے شو...؟

پۀ دې کښې سبق دے چې زنانه د کومې چې پۀ معاشره کښې هم څه عزت  نۀ وو، کومې ته چې به د ذِلت پۀ نظر کتلے شو، لوڼه به چې پيدا شوې نو ژوندۍ به ښخولے شوې * د لور پۀ پيدا کيدو به تندي راچولے کيدل * د زنانه که به خاؤند وفات شو نو هغۀ به هم د خاؤند سره ژوندۍ ښخولے کيدله * زنانه ته به د سپيرې، ناپاکې او پته نۀ لګي چې څنګه څنګه لقبونه ورکړے کيدل. اِسلام هٰغه پاک دِين دے چې د دۀ لا بالکل وړومبۍ مرحله ده، پۀ دې مرحله کښې هم د يوې زنانه خدمتونه شامل کړے شول او د هغې عزتونه يې نور هم زيات کړل .

سُبْحٰنَ اللہ! خوږو او محترمو اِسلامي وروڼو! غور وکړئ چې کوم اِسلام  بالکل پۀ خپله وړومبۍ مرحله کښې يوې زنانه له دومره عزت ورکوي، د هٰغه اِسلام نُور چې کله پۀ ټوله دنيا کښې خور شوے وي نو بيا به هٰغې زنانه ته کوم کوم عزتونه نۀ وي ورکړے شوي.

نن سبا چې دا کوم خلق ګډې وډې خبرې کوي، د ښځو د ازادۍ پۀ نوم باندې مَعَاذَ الله! د بے حيايۍ والا جلوسونه ويستلے کيږي، ډيرې سپکې او ګنده نعرې وهلے کيږي، دا صرف يوه پروپيګنډه ده، دا تشې چغې سورې دي، چرته د اِسلام نه د مخکښې زمانې او د اِسلام نه د وروستو زمانې پۀ خپل مينځ کښي موازنه وکړئ چې معلومه شي درته چې اِسلام زنانه څنګه د ښکته نه راويستلې ده او څومره لوړ مقام ته يـې رسولې ده . الله پاک