خالِق او مالِک د انسانيت جامې راعطا کړې دي، مونږ يـې اَشرَفُ الـمخلوقات جوړ کړي يو، زمونږه نيکه بابا حضرت آدم عَلَیْهِ السَّلَام  ته يـې پۀ فرښتو باندې سجده کړې ده۔

دا څومره لوئي کرم دے۔۔۔!! که هٰغه قدرتونو والا رَبّ غوښتلے نو زمونږ نه به يـې څۀ ځناور جوړ کړے وے، مهے [يعنې کَب] به يـې رانه جوړ کړے وے او پۀ درياب کښې به يـې غورځولي وو، مچ، ماشے به يـې رانه جوړ کړے وو، هغۀ ته څۀ ګرانه خو نۀ ده هٰغه رَبِّ رحمان او رحيم څومره کرم وکړو، مونږه يـې انسانان يعنې اَشرَفُ الـمخلوقات جوړ کړو۔ اوس سوچ وکړئ که مونږه د انسانيت شرف غلط اِستعمال کړو، د کوم مقصد د پاره چې مونږه پيدا کړے شوي او دُنيا ته راليږلے شوي يو، مونږه هٰغه مقصد پوره نکړے شو، خُدائے دې نۀ کړي که چرې الله پاک ناراضه شو نو ووايئ چې زمونږه به څۀ کيږي۔۔۔؟ مشهور صُوفي بزرګ مولانا رُوم رَحْمَةُ الـلّٰـهِ عَـلَيْه فرمائي: اے انسانه! الله پاک ستا ډير لوئي قيمت کيښودے دے، ارشاد دے:

اِنَّ اللّٰهَ اشْتَرٰى مِنَ الْمُؤْمِنِیْنَ اَنْفُسَهُمْ وَ اَمْوَالَهُمْ بِاَنَّ لَهُمُ الْجَنَّةَؕ- (پارہ:11، سورۀ  توبه:111)

ترجمهٴ کنزُ العِرفان: بے شک اللہ د مسلمانانو نه د هغوئي ځانونه او د هغوئي مالونه پۀ دې بدله کښې پۀ بيعه واخستل چې د هغوئي د پاره جَنَّت دے۔

وګوره چې الله پاک تۀ، ستا وخت، ستا ځان، ستا مال او کاروبار اخستے دے چې دا څيزونه د هغۀ پۀ لاره کښې خرچ کړې نو ستا د پاره هميشه پاتې کيدونکے جنَّت دے، د الله پاک پۀ نزد ستا داسې قيمت دے، که ځان د دوزخ پۀ بدله خرڅ کړې نو پۀ خپل ځان باندې ظُلم کوونکے يـې۔ ^([1])

فرشتوں سے بہتر ہے انسان بننا                                                                            مگر اس میں لگتی ہے محنت زیادہ