اولاد له تعليم ورکوي ما له هم هٰغسې تعليم راکړے شو۔ زۀ ډير ښکلے او حيا دار ووم۔ زما والد صاحب ته چا ووئيل: دا پۀ بازار کښې کښينوه چې دا د خلقو سره اشنا شي او د دۀ حيا څۀ کمه شي۔ نو زۀ د يو کپړو خرڅولو والا پۀ دکان کښې کښينولے شوم۔ يوه ورځ يوې بوډۍ څۀ قيمتي جامې راويستلې، بيا يـې کپړو والا ته ووئيل: زما سره څوک وليږه  چې کومې کپړې خوښې شي د هغې د اخستو نه پس به قيمت او باقي پاتې کپړې واپس راوړي۔ کپړو خرڅولو والا زۀ د هغې سره وليږلم۔ بوډۍ زۀ يو عظيمُ الشان محل ته بوتلم او ښکلے کړے شوې کمرې ته يـې بوتلم۔ څۀ ګورم چې پۀ کالو ښائسته او ښه جامو والا ښکلې جينۍ پۀ تخت باندې ناسته ده۔ زۀ يـې چې وليدم نو پۀ هٰغې جينۍ باندې شيطان غالب شو او هغۀ زما طرف ته راغله او چيړل يـې شروع کړل او بدکاري کول يـې غوښتل۔ زۀ ويريدم او وه مې وئيل: د الله پاک نه ويريږه! خو پۀ هغې باندې شيطان پوره مسلط شوے وو۔ چې ما کله د هغې ضِد ته وکتل نو د ګناه نه د بچ کيدو يو تجويز مې ذهن ته راغلو او هغې ته مې ووئيل: زۀ اِستِنجاء خانې ته تلل غواړم۔ هغې چې اواز وکړو نو د څلور واړو طرفونو نه وينزې راغلې، هغې ووئيل: خپل آقا بيتُ الخَلاء ته بوځئ۔ زۀ چې کله هلته لاړم نو د تښتيدو هيڅ لار پۀ نظر نۀ راتلله، ما له د خپل رَبّ نه حيا راتلله چې د هٰغې زنانه سره بدکاري وکړم او پۀ ما باندې د دوزخ د عذاب ويره غالبه وه۔ نو هُم يوه لاره پۀ نظر راغله او هغه دا چې ما د اِستِنجا خانې نجاست [يعنې پليتي] پۀ خپل لاس مخ وغيره باندې ومږله او ښه سترګے مې پرې راويستې او هٰغه وينزه مې ويروله کومه چې د رومال او اوبو پۀ لاس ولاړه وه، چې کله د ليونو پۀ شان پۀ چغو د هغې طرف ته ورغلم نو هغۀ ويريدله او منډې يـې کړې او هغې د ليوني، ليوني چغې شروع کړې۔ ټولې وينزې راټولې شولې او هغوئي ټولو پۀ شريکه زۀ پۀ يو ټاټ کښې راونغښتم او اوچت يـې کړم او پۀ يو باغ کښې يـې وغورځولم۔ زما چي کله يقين راغلو چې ټولې وينزي تلې دي نو راپاڅيدم او خپلې جامې