الله پاڪ جي آخري نبي، مڪي مدني   صَلَّی اللہُ تَعَالٰی عَلَیْہِ وَاٰلہٖ وَسَلَّم  کي مون شعبان کان وڌيڪ ڪنهن مهيني ۾ روزا رکندي نه ڏٺو. پاڻ ڪريم   صَلَّی اللہُ تَعَالٰی عَلَیْہِ وَاٰلہٖ وَسَلَّم  سواءِ چند ڏينهن جي، سڄو مهينو روزا رکندا هئا.  ^([1]) هڪ ڀيرو پاڻ ڪريم   صَلَّی اللہُ تَعَالٰی عَلَیْہِ وَاٰلہٖ وَسَلَّم  جي خدمت ۾ سوال ٿيو: رمضان کان پوءِ ڪهڙا روزا افضل آهن؟ فرمايو: رمضان جي تعظيم لاءِ شعبان جا روزا رکڻ. ^([2])

نفل روزن جا مختصر فضائل

پيارا اسلامي ڀائرو، احاديث مبارڪه ۾ نفل روزن جا ڪيترائي فضائل بيان ٿيا آهن. ٽي روايتون پيش ڪيان ٿو: (1): جنهن ثواب جي اميد رکندي هڪ نفل روزو رکيو، الله پاڪ ان کي دوزخ کان چاليهه سال (جي فاصلي) تائين پري ڪري ڇڏيندو. ^([3]) (2): جيڪڏهن ڪنهن هڪ ڏينهن جو نفل روزو رکيو ۽ ان کي زمين جيترو سون ڏنو وڃي، تڏهن به ان جو ثواب پورو نه ٿيندو. ان جو ثواب ته قيامت جي ڏينهن ئي ملندو. ^([4]) (3): جنهن هڪ ڏينهن جو نفل روزو رکيو، الله پاڪ ان کي جهنم کان ايترو پري ڪري ڇڏيندو جيترو زمين ۽ آسمان جي وچ وارو فاصلو آهي. ^([5])

(4): استغفار جي ڪثرت

شعبان شريف ۾ چوٿين اهم عبادت جيڪا ڪرڻ گهرجي، اها توبه ۽ استغفار آهي. ان جي حڪمت اها آهي ته شعبان جو مهينو جيترو عظمت وارو آهي، اوترو ئي نازڪ به آهي. حديث پاڪ ۾ آهي: هي اهو مهينو آهي جنهن کان ماڻهو غافل آهن، جڏهن ته هن مهيني ۾ ماڻهن جا اعمال رب العالمين جي بارگاهه ۾ پيش