نہ کیوں کریں ناز اہل سنت کہ تم سے چمکا نصیبِ امت

سراجِ امت ملا ہو تم سا امام اعظم ابو حنیفہ

شعبان شريف جون ڪجهه عبادتون

 الله پاڪ اسان کي گهڻي عبادت ڪرڻ جي توفيق عطا فرمائي. اَلْـحَمْـدُ لـِلّٰـه! شعبان شريف جي آمد آهي. شعبان شريف تمام وڏو ۽ بابرڪت مهينو آهي. ان ۾ خير ۽ برڪت جو مينهن وسندو آهي. آخري نبي، رسولِ هاشمي   صَلَّی اللہُ تَعَالٰی عَلَیْہِ وَاٰلہٖ وَسَلَّم  فرمايو: شَعْبَانُ الْمُطَہِّرُ وَرَمَضَانُ الْمُکَفِّرُ شعبان پاڪ ڪندڙ آهي ۽ رمضان گناهن جو ڪفارو آهي. ^([1])

          هن بابرڪت مهيني ۾ عبادت جي ڀرپور ڪوشش  ڪيو. شعبان شريف جون چار تمام اهم عبادتون آهن. زياده نه ٿي سگهي ته گهٽ ۾ گهٽ اهي چار عبادتن ئي جو معمول بڻايو، ان شاء الله الڪريم، ان سان تمام گھڻيون برڪتون نصيب ٿينديون.

(1): درود جي ڪثرت

سرڪارِ غوثِ اعظم شيخ عبدالقادر جيلانيرَحْمَۃُ اللہِ تَعَالٰی عَلَیْہِ  فرمائن ٿا: هو شَہْرُ الصَّلَاۃِ عَلَی النَّبِیِّ يعني شعبان سرڪارِ دوعالم، جانِ جان ۽ جانِ ايمان   صَلَّی اللہُ تَعَالٰی عَلَیْہِ وَاٰلہٖ وَسَلَّم  تي درود پڙهڻ جو مهينو آهي. ^([2]) لهٰذا هن بابرڪت مهيني ۾ درودِ پاڪ جي ڪثرت ڪيو. حديثِ پاڪ ۾ آهي: جيڪو هڪ ڀيرو درود شريف پڙهندو، ان تي 10 رحمتون نازل ٿينديون، ان جا 10 درجا بلند ڪيا ويندا، ان لاءِ 10 نيڪيون لکيون وينديون ۽ ان جا 10 گناهه مٽايا ويندا.  ^([3])