قَالَ   اللہ  تَبَارَکَ وَ تَعَالٰی فِی الْقُرْآنِ الْکَرِیْم(  اللہ  پاک قرآنِ کریم میں فرماتا ہے):

وَ قَالُوْا لَنْ تَمَسَّنَا النَّارُ اِلَّاۤ اَیَّامًا مَّعْدُوْدَةًؕ-قُلْ اَتَّخَذْتُمْ عِنْدَ اللّٰهِ عَهْدًا فَلَنْ یُّخْلِفَ اللّٰهُ عَهْدَهٗۤ اَمْ تَقُوْلُوْنَ عَلَى اللّٰهِ مَا لَا تَعْلَمُوْنَ(۸۰)  صَدَقَ   اللہ  الْعَظِیْم وَ صَدَقَ رَسُوْلُہُ النَّبِیُّ الْکَرِیْم صلّی   اللہ  عَلَیْہِ وَ آلِہٖ وَسَلَّم

تَرْجَمَۂ کَنْزُالْعِرْفَان:اور بولے: ہمیں تو آگ ہر گز نہ چُھوئے گی  مگر گنتی کے چند دِن، اَے حبیب! تم فرما دو: کیا تم نے خُدا  سے کوئی وَعْدہ لیا ہوا ہے؟ (اگر ایسا ہے، پھر) تو   اللہ  ہرگز وَعْدہ خِلافی نہیں کرے گا بلکہ تم   اللہ  پر وہ بات کہہ رہے ہو جس کا تمہیں علم نہیں۔

صَلُّوا عَلَی الْحَبِیْب!                                               صَلَّی  اللہ تَعَالٰی عَلٰی مُحَمَّد

آیتِ کریمہ کی مختصر وضاحت

پیارے اسلامی بھائیو! ہم نے پارہ: 1، سورۂ بقرہ کی آیت: 80 سُننے کی سعادت حاصِل کی، اِس آیتِ کریمہ میں بنی اسرائیل کی ایک باطنی بیماری کو بیان کیا گیا ہے۔ آیتِ کریمہ کا پسِ منظر کچھ اِس طرح ہے کہ بنی اسرائیل کے وہ افراد جو پیارے آقا، مکی مَدَنی مصطفےٰ  صَلَّی  اللہ تَعَالٰی عَلَیْہِ وَاٰلِہٖ وَسَلَّمَ  کی ظاہِری زِندگی مبارَک میں مَوجُود تھے، آپ  صَلَّی  اللہ تَعَالٰی عَلَیْہِ وَاٰلِہٖ وَسَلَّمَ  اُنہیں اِیمان قبول کرنے کی ترغیب دِلاتے، اُنہیں جنّت کا شوق دِلاتے اور دوزخ سے ڈرایا کرتے تھے، اس کے باوُجُود یہ لوگ کلمہ پڑھ کر سیدھے رستے کے مُسَافِر نہیں بنتے تھے۔ آخِر کیا وجہ تھی؟ یہ کیوں کلمہ نہیں پڑھتے تھے، اُن کے کردار اتنے کیوں بگڑ گئے تھے؟ اِس کا ایک سبب اِس آیتِ کریمہ میں بیان ہوا، اِرشاد ہوتا ہے:

وَ قَالُوْا    (پارہ:1، البقرۃ:80)

                                                                                                                                                                                                                    تَرْجَمَۂ کَنْزُالْعِرْفَان: اور بولے۔