Share this link via
اذان واقامت کا جواب دینے کےمتعلق احکام
اذان کی آواز آئے تو تلاوت روک دے،اذان کو غور سے سنے اور جواب دے (3):راستہ میں چل رہا تھا کہ اذان کی آواز آئی تو اتنی دیر کھڑا ہوجائے اور جواب دے (4):اگر چند اذانیں سُنے تو اس پر پہلی ہی کا جواب ہے اور بہتر ہے کہ سب کا جواب دے (5):اگر بوقتِ اذان جواب نہ دیا تو اگر زِیادہ دیر نہ گزری ہو تو جواب دے لے (6): مقتدیوں کو جمعہ کی اذان ثانی کا جواب دینا منع ہے (7):نما زکے لئے دی جانے والی اذان کے علاوہ دیگر اذانوں کاجواب بھی دیا جائے گا۔مثلاً بچے کے کان میں دی جانے والی اذان ،قبر پر دی جانے والی اذان وغیرہ۔ ([1])
اذان واقامت کے جواب دینے کا طریقہ
*اذان دینے والا جو کہے وہی آپ بھی کہتے جائیے! *حَیَّ عَلَی الصَّلٰوۃِ اورحَیَّ عَلَی الْفَلَاح ِکے جواب میں (چاروں بار ) کہئے: لَا حَوْلَ وَلَا قُوَّۃَ اِلَّا بِاللہِ *بہتر یہ ہے کہ جواب میں حَیَّ عَلَی الصَّلٰوۃ بھی اور لَا حَوْلَ دونوںپرھئے! *فجر کی اذان میں اَلصَّلٰوۃُ خَیْرٌ مِّنَ النَّوْم کا جواب یاد کر لیجئے! صَدَقْتَ وَ بَرَرْتَ وَبِالْحَقِّ نَطَقْتَ (تُو سچا اور نیکوکار ہے اور تُو نے حق کہا )۔ ([2]) اقامت کا جواب بھی اسی طرح دیجئے ! *قَدْ قَامَتِ الصَّلَاۃُ کا جواب یاد کر لیجئے !اَقَامَھَا اللہُ وَ اَدَامَھَا مَا دَامَتِ السَّمٰوٰتُ وَالْاَرْضُ(اللہ پاک اس کو قائم رکھے جب تک آسمان اور زمین ہیں)۔([3])
نوٹ:اذان دینے والایا اقامت کہنے والاجب اَشْھَدُ اَنَّ مُحَمَّداً رَّسُوْلُ اللہ کہے،اس وقت دُرودِ پاک پڑھنا اور محبّت سے انگوٹھے چوم کر آنکھوں کو لگا لینا عین سعادت ہے (انگوٹھے چومنے میں آواز پیدا نہ ہو)۔
نوٹ:اذان واقامت کے متعلق تفصیلی معلومات کے لئے شیخِ طریقت امیرِ اہلسنت مولانا محمد الیاس عطّار قادری دَامَتْ بَرَکَاتُہمُ الْعَالِیَہ کا رسالہ *..فیضانِ اذان اور مکتبۃ المدینہ کی کتاب *..بہارِ شریعت ، جلد : 1 ، حصہ: 3، پڑھئے۔
BOOK TOPIC
- سیکھنے سِکھانے کے حلقوں کا جدول
- دُرُود شریف کی فضیلت
- اذان واقامت کا جواب دینے کےمتعلق احکام
- آیت مبارکہ
- اذان کا مذاق اُڑانا کفر ہے
- فرامینِ مصطفےٰ صَلَّی اللہُ عَلَیْہِ وَ آلِہٖ وَ سَلَّم
- اذان واقامت کا جواب دینے سے متعلق اَحْکام
- اذان واقامت کے جواب دینے کا طریقہ
- سیکھنے سِکھانے کے حلقوں میں یاد کروائی جانے والی دعا
- دودھ پینے کے بعدکی دُعا
- اجتماعی جائزے کا طریقہ (72نیک اعمال)
