Khawaja Huzoor Ki Ibadat

Al Quran Books Madani Channel

Magazine Courses Media

خواجہ غریب نواز رَحمۃُ اللہِ عَلَیْہ کی غریب نوازیاں

پیارے اسلامی بھائیو!خِدْمَتِ خَلْق (social welfare) عظیم نیکی ہے۔ خواجہ غریب نواز رَحمۃُ اللہِ عَلَیْہبچپن ہی سے دوسروں کے کام آنے والے، دُکھ بانٹنے والے، مسکینوں، غریبوں، فقیروں کے ساتھ بھلائی کرنے والے، ان کی دِل جُوئی کرنے والے تھے۔ روایات کے مطابق خواجہ غریب نواز رَحمۃُ اللہِ عَلَیْہ بچپن شریف میں اپنے ہم عُمر بچوں کو گھر بُلاتے اورانہیں کھانا کھلایا کرتے تھے۔^{(^[1])} آپ کے بچپن شریف ہی کا واقعہ ہے کہ ایک مرتبہ عید کا دِن تھا، صبح کے وقت لوگ نئے کپڑے پہنے، خوشی خوشی نمازِ عید کے لئے عید گاہ کی طرف بڑھ رہے تھے، خواجہ غریب نواز رَحمۃُ اللہِ عَلَیْہ نے بھی نیا اور قیمتی لباس پہنا اور عید گاہ کی طرف روانہ ہوئے، راستے میں ایک دَرْد ناک منظر دیکھا؛ راستے کے کنارے پر ایک بچہ کھڑا ہے، آنکھوں سے نابینا ہے، اس کے پُرانے کپڑے، غُربَت زَدہ حال اور چہرے پر اُداسی وغم دیکھ کر خواجہ صاحب رَحمۃُ اللہِ عَلَیْہ کا دِل بھر آیا، آپ ہاتھ پکڑ کر بچے کو گھر لائے، اپنا قیمتی لباس اُتار کر غریب بچے کو پہنایا، خود پُرانے کپڑے پہنے اور اُس غریب کو ساتھ لے کر عید گاہ کی طرف چلے گئے۔ ^{(^[2])}

تمہارے دَر کی کرامت یہ بارہا دیکھیغریب آئے یہاں، ہو گئے غریب نواز

تمہاری ذات سے میرا بڑا تعلق ہے کہ میں غریب بڑا، تم بڑے غریب نواز

نہ مجھ سا کوئی گدا ہے، نہ تم سا کوئی کریم نہ دَر سے اُٹھوں گا، بےکچھ لئے غریب نواز

*-*-*-*

ہیں کَسِ بے کساں غریب نواز، غریب نواز حامئِ بے کساں غریب نواز، غریب نواز

[1]...ہند کے مُرشدِ اعظم، صفحہ:99۔

[2]...ہند کے مُرشدِ اعظم، صفحہ:101خلاصۃً۔

Important

Mobile Apps

Contact Us