Jannat Mein Aaqa Ka Parosi

Al Quran Books Madani Channel

Magazine Courses Media

کو کس جگہ دفن کیا گیا تھا، صِرْف ایک بڑھیا کو اس جگہ کا پتا تھا)، حضرت موسیٰ عَلَیْہِ السَّلام نے اس بڑھیا سے پوچھا: کیا تم جانتی ہو کہ حضرت یوسُف عَلَیْہِ السَّلام کی قبر کس جگہ ہے؟ بولی: جی ہاں! فرمایا: ہمیں بتاؤ! کہنے لگی: خُدا کی قسم! جب تک آپ میری مانگ پُوری نہیں کرتے، میں نہیں بتاؤں گی۔ فرمایا: مانگو کیا مانگتی ہو، تمہیں دیا جائے گا۔ بڑھیا سمجھ دار تھی، بولی: میں آپ سے جنّت میں آپ کا پڑوس (Neighborhood)مانگتی ہوں۔

حضرت موسیٰ عَلَیْہِ السَّلام نے فرمایا: صِرْف جنّت مانگ لو! بولی: نہ...!! خُدا کی قسم! میں اس سے کم پر بالکل راضی نہیں ہوں، مجھے صِرْف جنّت نہیں بلکہ جنّت میں آپ کا پڑوس ہی چاہئے۔ حضرت موسیٰ عَلَیْہِ السَّلام نے اسے مزید سمجھایا مگر وہ اپنی بات پر پکّی تھی، اس پر اللہ پاک نے وحی بھیجی اور فرمایا: اے موسیٰ! آپ کا کیا نقصان ہے...!! جو مانگتی ہے دے دیجئے! چنانچہ حضرت موسیٰ عَلَیْہِ السَّلام نے اس کی مانگ پُوری فرمائی اور حضرت یوسُف عَلَیْہِ السَّلام کا جَسَدِ مُبَارَک لے کر روانہ ہو گئے۔^{(^[1])}

پیارے اسلامی بھائیو! یہ ہے مانگنے کا طریقہ...!! بڑھیا کی سوچ دیکھئے! خِدْمت کتنی سی ہے اور سُوال کتنا بڑا کر رہی ہے...!! اس روایت سے ہمیں 2 باتیں سیکھنے کو ملیں: (1):ایک بات تو اُن اَعْرابی رَضِیَ اللہُ عنہ کے عَمَل سے سیکھنے کو ملی، وہ صحابی تھے، انہوں نے پیارے آقا، مکی مدنی مصطفےٰ صَلَّی اللہُ عَلَیْہِ وَ آلِہٖ وَ سَلَّم سے دُنیوی چیزیں مانگیں اور آپ صَلَّی اللہُ عَلَیْہِ وَ آلِہٖ وَ سَلَّم نے اس پر انکار نہیں فرمایا،اس سے معلوم ہوا؛ دُنیا کی چھوٹی چھوٹی خواہشیں ہوں، ضرورتیں ہوں، ہم وہ بھی بارگاہِ رسالت سے مانگ سکتے ہیں، اس میں کوئی حرج نہیں (2):دوسری بات یہ پتا چلی کہ ہمارے آقا و مولیٰ، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَ سَلَّم بھی چاہتے ہیں کہ ہم

[1]...مكارم الاخلاق، جماع ابواب الرفق...الخ،باب ما جاء فی السخاء...الخ، جلد:3، صفحہ:264، حدیث:731 خلاصۃً۔

Important

Mobile Apps

Contact Us