د دِين د مالي خِدمت فضائل

سُبْحٰنَ اللہ! خوږو او محترمو اِسلامي وروڼو! غور وکړئ! صِرف دوه کارونه کول دي (1): اِيمان۔ دا اَلْحَمْدُ لِلّٰہ! مونږ ته د مخکښې نه حاصل دے (2): د دِين ځاني او مالي خِدمت کول دي۔ پۀ بدله کښې چې به څۀ ميلاؤيږي، پۀ هغې کښي باقي څۀ پاتې دي؟ * پۀ دُنيا کښې به د الله پاک مدد هم ميلاؤ شي * کاميابيانې به هم نصيب شي * که د اخرت خبره وکړے شي نو ګناهونه به هم معاف کړے شي او * اِنْ شَآءَ اللہُ الْکَرِیم! پۀ جنَّت کښې به داخله هم عطا کړے شي۔

کاش چې زمونږه توفيق نصيب شي چې مونږه د دِين ځاني او مالي خدمت کوونکي جوړ شو۔ اٰمِیْن بِجَاہِ خَاتَمِ النَّبِیّٖن صَلَّی اللہُ عَلَیْہِ وَ آلِہٖ وَ سَلَّم

د دِين مالي خِدمت ضرور وکړئ!

خوږو او محترمو اِسلامي وروڼو! مونږ له هم پکار دي چې د دِين مالي خِدمت وکړو۔ دا صرف د ذِهن جوړولو خبره ده، ګنې نو د دِين پۀ لاره کښې پۀ مال ورکولو انسان نۀ غريب کيږي بلکې چې څوک د الله پاک پۀ لاره کښې مال خرچ کوي، الله پاک هغه څو چنده زياتوي او هغۀ ته يـې عطا کوي۔ پۀ دويمه سيپاره، سُورۀ بَقَرَه، آيت: 245 کښې ارشاد دے:

مَنْ ذَا الَّذِیْ یُقْرِضُ اللّٰہَ قَرْضًا حَسَنًا فَیُضٰعِفَہٗ لَہٗۤ اَضْعَافًا کَثِیْرَۃً ؕ

(سيپارو: 2، سورة بقرة،245 ترجمهٴ کنزُ العِرفان: څوک شته چې الله له ښه قرض ورکړي نو الله به د هغۀ د پاره هٰغه قرض پۀ ډير چنده زيات کړي۔

سُبْحٰنَ اللہ! څومره ښکلې خبره ده! مال چا راکړے دے؟ الله پاک۔ سرکار غوثِ اعظم رَحْمَةُ اللهِ عَلَيْه فرمائي: اَنْتُمْ وُکَلَاءُ عَلٰی ہٰذِہِ الْاَمْوَال تاسو د دې مال وکيلان يـئ ۔ ^{(^[1])}

[1]... جَلَاء الخَوَاطِرْ، مجلس:حقوق الفقراء، صفحہ:110۔

Important

Mobile Apps

Contact Us