آسمانِ ولایت یعنی علی المرتضیٰ رَضِیَ اللہُ عنہکے چمکتے چاند ہیں،  آپ رَحمۃُ اللہِ عَلَیْہتو حسنین کریمین رَضِیَ اللہُ عنہما کے باغ کے ایسے مہکتے ہوئے پھول ہیں کہ آپ کی خوشبو سے پورا باغِ ولایت مہک رہا ہے، کیوں نہ ہر ولی آپ کے قدم کو اپنے سر کا تاج بنائے کہ آپ ہر ولیُّ اللہ کے آقا ہیں۔

ہیں  پیرِ پیراں!                                        غوثِ پاک                                    ہیں میرِ میراں!                                         غوثِ پاک

مَحْبُوبِ سُبْحاں!                                             غوثِ پاک                                    ولیوں کے سُلطاں!                   غوثِ پاک

مُشکل ہو آساں!                              غوثِ پاک                                    دو دَرد کا دَرْمَاں!                                      غوثِ پاک

فرماؤ اِحْساں!                                                  غوثِ پاک                                    راحت کا سَاماں!                                   غوثِ پاک^([1])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

اللہ والوں کا مقام و مرتبہ

پیارے اسلامی بھائیو! اس وقعے سے ایک اَہَم بات جو ہمیں سیکھنے کو ملتی ہے، وہ یہ کہ کبھی بھی اپنے عِلْم اور معلومات کے بھروسے پرنیک لوگوں کا امتحان نہیں لینا چاہئے۔ اللہ پاک ہمیں ایسوں سے اور ایسی بےادبیوں سے محفوظ فرمائے۔ یاد رکھئے! اللہ پاک کے جو نیک بندے ہوتے ہیں، اللہ پاک کی بارگاہ میں اُن کا بڑا مقام ہوتا ہے، بخاری شریف میں حدیثِ قدسی ہے، یعنی زَبان مَحْبُوبِ  ذیشان کی ہے مگر فرمان اللہ رَبُّ الْعَالَمِیْن کا ہے، اللہ پاک فرماتا ہے: مَنْ عَادٰی لِیْ وَلِیّاً فَقَدْ آذَنْتُہُ بِالْحَرْبِ جو بندہ میرے کسی وَلِی سے دُشمنی رکھے، میں (اللہ رَبُّ الْعَالَمِیْن) اسے اِعْلانِ جنگ دیتا ہوں۔ ^([2])

اللہ! اللہ! کیسی سخت وعید ہے۔ بھلا غور تو فرمائیے! جسے اللہ پاک اِعْلانِ جنگ دے،