حضرت شیخ مُفَرَّجہ رَحمۃُ اللہِ عَلَیْہ  فرماتے ہیں: میں بھی اُس وقت محفلِ پاک میں حاضِر تھا۔ جب وہ عُلَما محفل میں آ کر بیٹھے تو غوثِ پاک رَحمۃُ اللہِ عَلَیْہ نے اپنا سَر مبارَک جھکا دیا، فورًا ہی آپ کے سینہ پاک سے ایک روشنی چمکی اور ان سب اَہْلِ عِلْم کے سینوں پر سے گھوم گئی۔

اب کیا تھا، وہ روشنی جس جس عالِم کے سینے پر سے گزرتی گئی، وہ حیرت میں پڑ کر تڑپنے لگا، اُن سب اَہْلِ عِلْم نے اپنے گریبان پھاڑ دئیے اور ننگے سَر ہو کر غوثِ پاک رَحمۃُ اللہِ عَلَیْہ کے قریب ہوئے اور آپ کے قدموں پر سَر رکھ دئیے! غوثِ پاک رَحمۃُ اللہِ عَلَیْہ جو رَحْمَۃٌ لِلْعَالَمِیْن صَلَّی اللہُ عَلَیْہِ وَ آلِہٖ وَ سَلَّم کے شہزادے ہیں، آپ صَلَّی اللہُ عَلَیْہِ وَ آلِہٖ وَ سَلَّم کی اَوْلاد میں سے ہیں، آپ کو اِن اَہْلِ عِلْم پر رحم آ گیا، آپ ایک ایک کر کے سب کو اپنے سینے سے لگاتے گئے اور فرماتے گئے: تمہارا سُوال یہ ہے اور اُس کا جواب یہ ہے۔ یونہی کرتے کرتے سارے اَہْلِ عِلْم کے سُوال بھی خود بتا دئیے اور جواب بھی خُود ہی ارشاد فرما دئیے!

حضرت شیخ مُفَرَّجہ رَحمۃُ اللہِ عَلَیْہ فرماتے ہیں: بعد میں ان اَہْلِ عِلْم سے پوچھا گیا: تمہیں کیا ہو گیا تھا؟ بولے: جیسے ہی ہم محفل میں آ کر بیٹھے، اچانک ایسا ہوا کہ ہم نے زندگی بھر جو عِلْم پڑھا تھا، سارے کا سارا ہمارے سینوں سے ایسے مٹ گیا، گویا کبھی ہم نے پڑھا ہی نہیں تھا۔ جب غوثِ پاک رَحمۃُ اللہِ عَلَیْہ نے اپنے سینے سے لگایا تو ہماراعِلْم واپس آ گیا۔^([1])

گُلِ بُوستانِ نبی، غوثِ اعظم                                                                        مہِ آسمانِ علی، غوثِ اعظم

تُو وہ گل ہے باغِ حسین و حسن کا                                                       کہ بُو تیری سب میں بسی غوثِ اعظم

قدم کیوں نہ لیں اولیا چشم و سر پر                                                    کہ ہیں والیِ ہر وَلی غوثِ اعظم

وضاحت:ہمارے غوثِ پاک رَحمۃُ اللہِ عَلَیْہ  ، نبی پاک صَلَّی اللہُ عَلَیْہِ وَ آلِہٖ وَ سَلَّم کے باغ کے مہکتے پھول ،