مَحْبُوبِ سُبْحاں!                                             غوثِ پاک                                    ولیوں کے سُلطاں!                   غوثِ پاک

مُشکل ہو آساں!                              غوثِ پاک                                    دو دَرد کا دَرْمَاں!                                      غوثِ پاک

فرماؤ اِحْساں!                                                  غوثِ پاک                                    راحت کا سَاماں!                                   غوثِ پاک

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

عِلْمِ دِین سیکھئے!

پیارے اسلامی بھائیو! اس واقعے سے ہمیں یہ بھی دَرْس مِلا کہ دُنیوی عِلْم چند شرائط کے ساتھ پڑھنا اگرچہ جائِز ہے مگر آخرت کا فائدہ عِلْمِ دِین ہی میں ہے*یہ عِلْمِ دِین پڑھنے والے ہی ہیں جب گھر سے نکلتے ہیں تو فرشتے ان کے قدموں میں پَر بچھاتے ہیں*سب مخلوق یہاں تک کہ دریا کی مچھلیاں بھی ان کے لئے دُعائیں کرتی ہیں*طالِبِ عِلْمِ دِین کے لئے جنّت کا رستہ آسان کر دیا جاتا ہے۔ اس لئے ہمیں چاہئے کہ عِلْمِ دِین پہلے سیکھیں، اسے اہمیت دیں ، جتنا دِینی عِلْم سیکھنا فرض ہے، اتنا سیکھ لیا، اب چاہیں تو دُنیا کا عِلْم بھی سیکھ لیں۔ البتہ! پہلے عِلْمِ دِین سیکھیں۔ اللہ پاک فرماتا ہے:

كُوْنُوْا رَبّٰنِیّٖن (پارہ:3، سورۂ آل عمران:79)

تَرْجمۂ کَنْزُالعِرْفان: اللہ والے ہوجاؤ 

کیسے ہونا ہے؟ عِلْمِ دِین سیکھ کر، قرآنِ کریم سیکھ کر، احادیثِ کریمہ سیکھ کر، دِین کی سمجھ حاصِل کر کے۔

عِلْمِ دِین سیکھنا ہی کیوں ضروری ہے؟

ایک اور مقام پر اللہ پاک نے فرمایا:

وَ لٰكِنَّ اَكْثَرَ النَّاسِ لَا یَعْلَمُوْنَ(۶) یَعْلَمُوْنَ ظَاهِرًا مِّنَ الْحَیٰوةِ الدُّنْیَا ۚۖ-وَ هُمْ عَنِ الْاٰخِرَةِ هُمْ غٰفِلُوْنَ(۷) (پارہ:21، سورۂ روم:6، 7)

تَرْجمۂ کَنْزُالعِرْفان: لیکن اکثر لوگ جانتے نہیں ۔ آنکھوں کے سامنے کی دنیوی زندگی کو جانتے ہیں اور وہ آخرت سے بالکل غافل ہیں ۔