خیال اللہ پاک کی طرف سے ہے، کون سا خیال اللہ پاک کی طرف سے نہیں ہے، چنانچہ میں نے عرض کیا: حُضُور! مجھے ایسی معرفت مل جائے کہ دِلی ارادوں میں فرق کر سکوں، مجھے معلوم ہو جایا کرے کہ کون سا خیال اللہ پاک کی طرف سے ہے، کون سا اللہ پاک کی طرف سے نہیں ہے۔ میری عرضی سُن کر حُضُور غوثِ پاک رَحمۃُ اللہِ عَلَیْہ نے میرے سینے پر ہاتھ رکھا، اس سے میرے دِل میں ایک نُور چمکا، آج تک وہ نُور چمک رہا ہے، اس کی برکت سے میں دِلی ارادوں میں فرق کر لیا کرتا ہوں۔^([1])

سُبْحٰنَ اللہ! دِلوں پر کیسا زبردست تَصَرُّف ہے، کیسی حکومت ہے...!! ایک مرتبہ ہاتھ مبارک رکھا، دِل میں ایسانُور چمکا دیا کہ ساری زندگی کے لئے ہدایت کا ذریعہ بن گیا۔

ہیں  پیرِ پیراں!                                        غوثِ پاک                                    ہیں میرِ میراں!                                         غوثِ پاک

مَحْبُوبِ سُبْحاں!                                             غوثِ پاک                                    ولیوں کے سُلطاں!                   غوثِ پاک

مُشکل ہو آساں!                              غوثِ پاک                                    دو دَرد کا دَرْمَاں!                                      غوثِ پاک

فرماؤ اِحْساں!                                                  غوثِ پاک                                    راحت کا سَاماں!                                   غوثِ پاک

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

شیخ ابو مظفر رَحمۃُ اللہِ عَلَیْہکا واقعہ

شیخ ابو مظفر بن منصور  رَحمۃُ اللہِ عَلَیْہ فرماتے ہیں کہ ایک مرتبہ میں حضرت شیخ عبد القادر رَحمۃُ اللہِ عَلَیْہ کی بارگاہ میں حاضر ہوا ، اُس وقت میں نے فلسفے کی ایک کتاب پکڑی ہوئی تھی، آپ رَحمۃُ اللہِ عَلَیْہ نے بغیر کتاب دیکھے ہی فرمایا: اے ابو مظفر! جاؤ ..!!اِس کتاب کو دھو ڈالو (یعنی پانی میں ڈال کر ٹھنڈا کر دو)۔